New Rules From 1st October: प्रत्येक महिन्याच्या पहिल्या तारखेप्रमाणे या वेळीही 1 ऑक्टोबरपासून काही बदल होणार आहेत. यातील काही बदल असे आहेत ज्यांचा थेट परिणाम तुमच्या खिशावर होईल. त्यामुळे तुम्हाला या बदलांची आधीच माहिती असणे महत्त्वाचे आहे.

ऑक्टोबरमध्ये होणार्‍या या बदलांबद्दल आम्ही तुम्हाला सांगणार आहोत, जेणेकरुन तुम्हाला कोणत्याही प्रकारचा त्रास होऊ नये.

दरम्यान, दोन हजार रुपयांची नोट चलनातून बाद झाली आहे. तुम्ही ती 30 सप्टेंबरपूर्वी बँकेत (Bank) बदलून घ्यावी. 1 ऑक्टोबरपासून तुमच्याकडे 2000 रुपयांची नोट असेल तर तुम्ही ती बदलू शकणार नाही. 30 सप्टेंबर 2023 हा नोटा बदलण्याचा शेवटचा दिवस असेल. यानंतर 2000 रुपयांची नोट बेकायदेशील होईल.

तसेच, एलपीजी (LPG) व्यतिरिक्त सीएनजी-पीएनजीच्या किमतीत तेल कंपन्या बदल करतात. साधारणपणे, दर महिन्याच्या पहिल्या दिवशी एयर फ्यूलचे (ATF) दर बदलतात. यावेळी सीएनजी-पीएनजीसोबतच एटीएफच्या किमतीतही बदल होण्याची शक्यता आहे.

त्याचबरोबर, परदेशात जाण्याचा विचार करणाऱ्यांसाठी ही मोठी बातमी आहे. 1 ऑक्टोबरपासून परदेश प्रवास महाग होणार आहे. होय, 1 ऑक्टोबरपासून, तुम्हाला 7 लाख रुपयांपर्यंतच्या टूर पॅकेजसाठी 5 टक्के TCX द्यावा लागेल.

त्याशिवाय 7 लाख रुपयांपेक्षा जास्त टूर पॅकेजसाठी 20 टक्के TCS भरावा लागेल. अशा परिस्थितीत तुम्ही तुमच्या प्रवासाच्या बजेटचे योग्य नियोजन करणे महत्त्वाचे आहे.

दुसरीकडे, 30 सप्टेंबरपर्यंत तुम्ही तुमचा PPF, पोस्ट ऑफिस बचत योजना आणि सुकन्या समृद्धी योजना आधारशी लिंक करा. तुम्ही असे न केल्यास, 1 ऑक्टोबरपासून तुमचे खाते गोठवले जाऊ शकते.

म्हणजेच तुम्ही तुमच्या खात्यातून कोणत्याही प्रकारचे व्यवहार किंवा गुंतवणूक करु शकणार नाही. त्यामुळे तुमची आर्थिक खाती वेळेत आधारशी लिंक करणे महत्त्वाचे आहे.

शिवाय, ऑक्टोबर महिन्यात बँकांना 16 दिवस सुट्टी असेल. या सुट्ट्यांमुळे तुमच्या बँकिंग कामावर परिणाम होईल. आरबीआयच्या मार्गदर्शक तत्त्वांनुसार सार्वजनिक सुट्टीच्या दिवशी प्रत्येक शहरात बँका बंद राहतील. याशिवाय, काही प्रादेशिक सुट्ट्याही असतील.