Model Economic Township: रिलायन्स इंडस्ट्रीज लिमिटेड (RIL) ची उपकंपनी गुरुग्रामच्या लगतच्या भागात स्मार्ट सिटी विकसित करत आहे. यात जपानी कंपन्यांचाही सहभाग असेल. रिलायन्स इंडस्ट्रीजच्या वतीने एक निवेदन जारी करण्यात आले होते की, आमची संपूर्ण मालकीची संस्था मॉडेल इकॉनॉमिक टाउनशिप लिमिटेड (एमईटी सिटी) गुरुग्रामजवळ जागतिक दर्जाची स्मार्ट सिटी विकसित करत आहे.

जपानच्या चार दिग्गज कंपन्या उपस्थित आहेत

त्याला 'मेट सिटी' असे नाव देण्यात आले असल्याचे आरआयएलने म्हटले आहे. कंपनीच्या म्हणण्यानुसार, ही स्मार्ट सिटी (Smart City) एकात्मिक औद्योगिक शहर असेल, ज्यामध्ये चार मोठ्या जपानी कंपन्या उपस्थित राहतील. यापैकी एक जपानी कंपनी निहोन कोडेनने नुकतेच त्यांच्या वाटप केलेल्या भूखंडावर भूमीपूजन समारंभ आयोजित केला आहे. निहोन व्यतिरिक्त, पॅनासोनिक, डेन्सो आणि टी-सुझुकी देखील मेट सिटीमध्ये उपस्थित राहणार आहेत.

8,000 एकरपेक्षा जास्त क्षेत्रात विकास होत आहे

मेट सिटीचे सीईओ एसव्ही गोयल म्हणाले की, उत्तर भारतातील सर्वात वेगाने वाढणारी स्मार्ट सिटी आहे. यामध्ये जागतिक दर्जाची पायाभूत सुविधाही असेल. गुरुग्रामला (Gurugram) लागून असलेल्या झज्जरमध्ये 8,000 एकरपेक्षा जास्त क्षेत्रात ही स्मार्ट सिटी विकसित केली जात आहे.