Realme ने भारतात आपल्या C-सिरीज अंतर्गत एक नवीन बजेट स्मार्टफोन सादर केला आहे. Realme C73 5G हा कंपनीचा अत्याधुनिक व परवडणारा हँडसेट असून यामध्ये अनेक दमदार फीचर्स देण्यात आले आहेत. याआधी कंपनीने मागील महिन्यात Realme C75 बाजारात आणला होता आणि आता C73 5G लाँच करून बजेट सेगमेंटमध्ये आणखी एक पर्याय उपलब्ध करून दिला आहे.
Realme C73 5G मध्ये MediaTek Dimensity 6300 प्रोसेसर, 6000mAh क्षमतेची दमदार बॅटरी, आणि 32MP प्रायमरी रिअर कॅमेरा हे वैशिष्ट्यपूर्ण फिचर्स दिले गेले आहेत. या फोनमध्ये 8GB डायनॅमिक RAM सह 4GB इनबिल्ट RAM उपलब्ध आहे, जे वापरकर्त्यांसाठी मल्टीटास्किंगचा एक चांगला अनुभव मिळणार आहे.
Realme C73 5G चे दोन व्हेरिएंट भारतीय बाजारात सादर करण्यात आले आहेत. 4GB RAM + 64GB स्टोरेज 10,499 रूपये आणि 4GB RAM + 128GB स्टोरेज -11,499 रूपयांना खरेदी करता येणार.
फोन जेड ग्रीन, क्रिस्टल पर्पल आणि ओनिक्स ब्लॅक या आकर्षक रंगांमध्ये उपलब्ध आहे. ग्राहकांना हा स्मार्टफोन Realme च्या अधिकृत वेबसाइटवर, Flipkart वर आणि ऑफलाइन रिटेल स्टोअर्समधून खरेदी करता येणार आहे.लाँच ऑफर अंतर्गत ग्राहकांना सर्व बँकांच्या क्रेडिट कार्ड EMI वर 500 रूपयांची सवलत देखील मिळू शकते.
डिस्प्ले: 6.67-इंच HD+ (720×1604 पिक्सेल) IPS LCD स्क्रीन, 120Hz रिफ्रेश रेट
प्रोसेसर: MediaTek Dimensity 6300 (6nm), Mali-G57 MC2 GPU
RAM आणि स्टोरेज: 4GB RAM, 64GB/128GB स्टोरेज, 2TB पर्यंत मायक्रोएसडी सपोर्ट
ऑपरेटिंग सिस्टिम: Android 16 आधारित realme UI 6.0
कॅमेरा
मागील कॅमेरा: 32MP प्रायमरी कॅमेरा (f/1.8), LED फ्लॅश
सेल्फी कॅमेरा: 8MP फ्रंट कॅमेरा (f/2.0)
Realme C73 5G हा स्मार्टफोन खास करून त्याच्या दमदार बॅटरी, 5G कनेक्टिव्हिटी, प्रीमियम डिझाइन आणि बजेट किमतीत खरेदी करता येणार आहे. अँड्रॉइड 16 सह हा हँडसेट आपल्या किंमत वर्गात एक चांगला पर्याय आहे. कमी बजेटमध्ये उत्तम फीचर्स पाहणाऱ्या ग्राहकांसाठी Realme C73 5G एक फायदेशीर डील ठरू शकतो.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.