RBI Penalty on Banks: रिझर्व्ह बँक ऑफ इंडिया (RBI) ने नियमांकडे दुर्लक्ष केल्याबद्दल आठ सहकारी बँकांना दंड ठोठावला आहे. विशाखापट्टणम सहकारी बँकेला सर्वाधिक 55 लाख रुपयांचा दंड ठोठावण्यात आला आहे. आरबीआयकडून निवेदन जारी करुन 8 बँकांना दंड ठोठावला असल्याचे सांगण्यात आले आहे. नियमांकडे दुर्लक्ष केल्याबद्दल विशाखापट्टणम सहकारी बँकेला सर्वाधिक 55 लाख रुपयांचा दंड ठोठावला आहे.

या बँकांना 10-10 लाखांचा दंड ठोठावला

याशिवाय, रिझर्व्ह बँकेने (RBI) दिलेल्या माहितीनुसार, भारत हेवी इलेक्ट्रिकल्स एम्प्लॉईज को-ऑपरेटिव्ह बँक कैलाशपुरमवर,10 लाख रुपये, केरळमधील (Kerala) ओट्टापलम को-ऑपरेटिव्ह अर्बन बँक लिमिटेडवर 5 लाख रुपये तर हैदराबादस्थित, दारुस्सलम को-ऑपरेटिव्ह अर्बन बँकेला 10 लाख रुपयांचा दंड ठोठावण्यात आला आहे.

या बँकांनीही नियमांकडे दुर्लक्ष केले

रिझर्व्ह बँकेने एका निवेदनात म्हटले आहे की, नेल्लोर को-ऑपरेटिव्ह अर्बन बँक लि. गांधीनगर, काकीनाडा को-ऑपरेटिव्ह टाऊन बँक लि. काकीनाडा यांना प्रत्येकी 10 लाख रुपयांचा दंड ठोठावण्यात आला आहे. केंद्रपाडा अर्बन को-ऑपरेटिव्ह बँक, केंद्रपाडा यांना 1 लाख रुपये, नॅशनल अर्बन को-ऑपरेटिव्ह बँक लि. प्रतापगड, उत्तर प्रदेशला (Uttar Pradesh) 5 लाख रुपयांचा दंड ठोठावण्यात आला आहे.

बँकेला दंड का ठोठावला

विशाखापट्टणम को-ऑपरेटिव्ह बँक, विशाखापट्टणमवर हा दंड गृहनिर्माण योजनांसाठी उत्पन्नाची ओळख, मालमत्तेचे वर्गीकरण, तरतूद आणि वित्त संबंधित निर्देशांचे उल्लंघन न केल्याबद्दल ठोठावण्यात आला आहे. या सर्व प्रकरणात बँकांच्या निष्काळजीपणामुळे हा दंड ठोठावण्यात आल्याचे आरबीआयने म्हटले आहे. अशा परिस्थितीत, बँकांनी त्यांच्या ग्राहकांसोबत केलेल्या कोणत्याही व्यवहाराच्या किंवा कराराच्या वैधतेवर परिणाम होणार नाही..