देशातील सर्वात मोठी बँक असलेल्या SBI नंतर भारतीय रिझर्व्ह बँकेने (RBI) आणखी एका सरकारी बँकेला मोठा दंड ठोठावला आहे. RBI ने युनियन बँक ऑफ इंडियाला (Union Bank) एक कोटी रुपयांचा दंड ठोठावला आहे. आरबीआयच्या काही नियमांचे उल्लंघन केल्यामुळे हा दंड ठोठावण्यात आला आहे.(RBI fines 1 crore rupees to UNION bank of India)

RBI च्या मते, युनियन बँक ऑफ इंडियाने "बँकांकडून तणावग्रस्त मालमत्तेच्या विक्रीवरील मार्गदर्शक तत्त्वे उल्लंघन केले आहे. त्यामुळे हा दंड ठोठावण्यात आला आहे.

यापूर्वी भारतीय रिझर्व्ह बँक (RBI) ने विविध मार्गदर्शक तत्त्वांचे उल्लंघन केल्याबद्दल गेल्या आठवड्यात देशातील सर्वात मोठी बँक स्टेट बँक ऑफ इंडिया (SBI) वर 1 कोटी रुपये तर स्टँडर्ड चार्टर्ड बँकेला 1.95 कोटी रुपयांचा दंड ठोठावला होता . SBI च्या ग्राहकाच्या खात्याच्या तपासणीत असे आढळून आले की बँकेने त्या खात्यातील फसवणुकीची माहिती देण्यास विलंब केला आहे.

याप्रकरणी आरबीआयने एसबीआयला कारणे दाखवा नोटीस बजावली होती. बँकेकडून अहवालाला उत्तर मिळाल्यानंतर, आरबीआयने एसबीआयला 1 कोटी रुपयांचा दंड ठोठावला होता. याबाबत एका निवेदनात, RBI ने म्हटले आहे की SBI ला रिझर्व्ह बँक ऑफ इंडियानिर्देश, 2016 मधील निर्देशांचे पालन न केल्याबद्दल दंड ठोठावण्यात आला होता.