PNB hike RTGS-NEFT Charges: तुम्ही पंजाब नॅशनल बँकेचे म्हणजेच PNB चे ग्राहक असाल तर तुमच्यासाठी एक महत्त्वाची बातमी आहे. बँकेने एनईएफटी ( National Electronic Fund Transfer), आरटीजीएस (Real time gross settlement) सह शुल्क वाढवले​आहे. ही दरवाढ 20 मे 2022 पासून लागू होणार आहे. PNB ने नॅशनल ऑटोमेटेड क्लिअरिंग हाऊस (NACH) ई-आदेश शुल्क देखील सुधारित केले आहे. (PNB Bank has increased fees with NEFT and RTGS)

RTGS

RTGS (Real time gross settlement) ही एक प्रणाली आहे, ज्याद्वारे पैसे ऑनलाइन हस्तांतरित केले जाऊ शकतात. NEFT च्या विपरीत, RTGS अंतर्गत फंड ट्रांसफरचे निर्देश वैयक्तिक ऑर्डरच्या आधारावर दिले जातात. त्याच वेळी पैसे ट्रान्सफर केले जातात. आत्तापर्यंत, RTGS हे भारतातील सर्वात जलद आणि सुरक्षित निधी हस्तांतरण साधन आहे. ऑफलाइन व्यवहारांसाठी RTGS शुल्क 24.50 रुपये आणि ऑनलाइन व्यवहारांसाठी 24 रुपये करण्यात आले आहे. यापूर्वी शाखा स्तरावर ऑफलाइन व्यवहारांसाठी आरटीजीएसचे शुल्क 20 रुपये होते. 5 लाख आणि त्यावरील आरटीजीएस शुल्क पूर्वीच्या 40 रुपयांवरून 49.50 रुपये करण्यात आले आहे. याशिवाय त्याच रकमेचे ऑनलाइन शुल्क 49 रुपये करण्यात आले आहे.

NEFT

नॅशनल इलेक्ट्रॉनिक फंड ट्रान्सफर (NEFT) प्रणालीची मालकी रिझर्व्ह बँक ऑफ इंडियाकडे (RBI) आहे. नॅशनल इलेक्ट्रॉनिक फंड ट्रान्सफरचा वापर एका बँक खात्यातून दुसऱ्या बँक खात्यात पैसे हस्तांतरित करण्यासाठी केला जातो. NEFT चा लाभ घेण्यासाठी कोणताही बँक वापरकर्ता त्याच्या बँकेने (Bank) प्रदान केलेल्या इंटरनेट किंवा मोबाईल बँकिंग सुविधेचा वापर करु शकतो. यासाठी लाभार्थ्याचे नाव, बँकेच्या शाखेचे नाव, खाते क्रमांक, IFSC कोड, खात्याचा प्रकार इत्यादी तपशील प्रविष्ट करावे लागतील. ऑफलाइन पद्धतीनेही तुम्ही एनईएफटीच्या सुविधेचा लाभ घेऊ शकता. यासाठी तुम्हाला तुमच्या बँकेच्या शाखेत जावे लागेल.

PNB वेबसाइटनुसार, "ऑनलाइन सुरु केलेल्या NEFT निधी हस्तांतरणासाठी बचत खातेधारकांकडून कोणतेही शुल्क आकारले जात नाही." NEFT शुल्क बचत खाती आणि PNB बाहेर होणाऱ्या व्यवहारांव्यतिरिक्त इतर व्यवहारांवर लागू आहेत.

10,000 रुपयांपर्यंतच्या व्यवहारांसाठी NEFT शुल्क 2.25 रुपये करण्यात आले आहे. यापूर्वी 50 रुपये आकारले जात होते. त्याच वेळी, ऑनलाइन व्यवहारांवर 1.75 रुपये शुल्क आकारण्यात आले आहे. रु. 10,000/- पेक्षा जास्त आणि रु. 1 लाख पर्यंतच्या व्यवहारासाठी, शाखा स्तरावरील व्यवहारांचे शुल्क रु. 4 वरुन रु. 4.75 करण्यात आले आहे. ऑनलाइन व्यवहारासाठी 4.25 रुपये शुल्क निश्चित करण्यात आले आहे. 1 लाख रुपयांपेक्षा जास्त आणि 2 लाख रुपयांपर्यंतचे शुल्क 14 रुपयांवरुन 14.75 रुपये आणि ऑनलाइन व्यवहारांसाठी 14.25 रुपये करण्यात आले आहेत. 2 लाख रुपयांपेक्षा जास्त व्यवहारांसाठी ते 2 रुपयांवरुन 24.75 रुपये करण्यात आले आहे.

एनएसीएच ई-आदेश (Order online)

बँकेने मंजुरीसाठी आवक NACH ई-आदेश पडताळणी शुल्क 100 रुपये प्रति आदेशानुसार सुधारित केले आहे. हा दर लागू जीएसटीपेक्षा वेगळा आहे. हे दर 28-05-2022 पासून प्रभावी आहेत