PM Kisan Scheme: पंतप्रधान नरेंद्र मोदी यांनी पीएम किसान योजनेंतर्गत 15 वा हप्ता जारी केला आहे. किसान योजनेंतर्गत पीएम मोदींनी DBT मधून 18,000 कोटी रुपयांची रक्कम कोट्यवधी शेतकऱ्यांच्या खात्यात हस्तांतरित केली आहे.

झारखंडमध्ये आयोजित कार्यक्रमादरम्यान, पीएम मोदींनी डीबीटीद्वारे सुमारे 8 कोटी शेतकऱ्यांना 18,000 कोटी रुपये हस्तांतरित केले.

यापूर्वी, 14 वा हप्ता मोदी सरकारकडून शेतकऱ्यांच्या खात्यात हस्तांतरित करण्यात आला. त्यावेळी पंतप्रधान मोदींनी 8 कोटी 5 लाख शेतकऱ्यांच्या खात्यात 17 हजार कोटी रुपये ट्रान्सफर केले होते. 13 व्या हप्त्यातर्गंत, पीएम मोदींनी सुमारे 16,800 कोटी रुपये वितरित केले होते.

करोडो शेतकऱ्यांना 15 वा हप्ता मिळाला नाही

दरम्यान, केंद्रीय कृषिमंत्री नरेंद्र सिंह तोमर यांनी यापूर्वीच पीएम किसान योजनेच्या 15 व्या हप्त्याची माहिती दिली होती. ट्विटद्वारे दिलेल्या माहितीत त्यांनी 15 नोव्हेंबरला डीबीटीद्वारे शेतकऱ्यांच्या खात्यात पैसे येतील, असे सांगितले होते.

यावेळीही केंद्र सरकारने अनेक अपात्र शेतकऱ्यांची (Farmers) नावे यादीतून वगळली आहेत. यावेळीही कोट्यवधी शेतकऱ्यांना पीएम किसान निधीचा 15 वा हप्ता मिळालेला नाही. ज्या शेतकऱ्यांची खाती वेगवेगळ्या पोर्टलशी लिंक नाहीत, त्यांच्या खात्यात पैसे येणार नाहीत, असे सरकारकडून आधीच सांगण्यात आले होते. भुलेख पडताळणी आणि आधार सीडिंग देखील आवश्यक आहे.

शेतकऱ्यांना दरवर्षी 6000 रुपये मिळतात

दुसरीकडे, आधार सीडिंग केलेल्या शेतकऱ्यांनाच सरकार (Government) 15 वा हप्ता देणार आहे. शेतकऱ्यांना आर्थिकदृष्ट्या सक्षम करण्यासाठी सरकारने सुरु केलेल्या PM किसान निधी अंतर्गत पात्र शेतकऱ्यांना वार्षिक 6000 रुपये दिले जातात. हे तीन हप्त्यांमध्ये दिले जातात.

या अंतर्गत दर चार महिन्यांनी 2000 रुपयांचा हप्ता दिला जातो. काही अपात्र शेतकरी शासकीय योजनेचा लाभ घेत असल्याचा अहवाल नुकताच सरकारला प्राप्त झाला होता.