Modi Government Scheme: केंद्र सरकारकडून अनेक सरकारी योजना राबवण्यात येत आहेत. सध्या सोशल मीडियावर अनेक व्हायरल बातम्या येत आहेत. एका वेबसाइटवर दावा केला जात आहे की, कृषी मंत्रालयाकडून पीएम किसान ट्रॅक्टर योजनेंतर्गत शेतकऱ्यांना अनुदानाचा लाभ मिळत आहे.

ही बातमी पाहिल्यानंतर पीआयबीने फॅक्ट चेक केले, ज्यामध्ये या बातमीची सत्यता तपासण्यात आली. चला तर मग सरकार खरच शेतकऱ्यांना अनुदानाचा लाभ देत आहे का ते जाणून घेऊया...

पीआयबीने ट्विट केले आहे

पीआयबी फॅक्ट चेकने आपल्या अधिकृत ट्विटमध्ये लिहिले आहे की, बनावट वेबसाइटवर सरकार शेतकऱ्यांना (Farmers) ट्रॅक्टर अनुदानाची सुविधा देत असल्याचा दावा केला जात आहे. पीएम किसान ट्रॅक्टर योजनेंतर्गत कृषी मंत्रालयाकडून अनुदान दिले जात आहे.

ही वेबसाइट बनावट आहे

पीआयबी फॅक्ट चेकने ही वेबसाइट बनावट असल्याचे म्हटले आहे. शासनाकडून अशी कोणतीही योजना राबवली जात नाही. अॅग्रीकल्चर इंडियाने म्हटले आहे की, अशा कोणत्याही योजनेची माहिती मिळवण्यासाठी तुम्हाला फक्त सरकारच्या (Government) अधिकृत वेबसाइटला भेट द्यावी लागेल.

फेक मेसेज कोणाशीही शेअर करु नका

केंद्र सरकारने पुढे म्हटले आहे की, असे मेसेज कोणाशीही शेअर करु नयेत. यासोबतच तुम्हाला सरकारशी संबंधित कोणत्याही योजनेची माहिती मिळवायची असेल तर तुम्ही केवळ अधिकृत वेबसाइटवर संपर्क साधावा.