फोनपे (PhonePe) हे आज काल पेमेंट ट्रांसफरसाठी (Payment Transfer App) सर्वात जास्त वापरात येणारे अ‍ॅप्लिकेशन झाले आहे.आपण सर्वजण सर्रासपणे फोन पेचा वापर करतो अनेक युजर्स क्रेडिट कार्डवरून (Credit Card) फोनपे वॉलेटमध्ये (PhonePe Vallet) पैसे टाकून छोटे -मोठे व्यवहार करतात. पण आता फोनपे वॉलेट वापसरणार्यांसाठी एक वाईट बातमी आहे. कारण आता फोनपे (PhonePe) वापरणे महाग होणार आहे. (PhonePe users have to pay charges for add money in valet)

फोनपे (PhonePe) अ‍ॅपवर दिलेल्या माहितीनुसार, आता जर युजर्संनी क्रेडिट कार्डमधून फोनपे वॉलेटमध्ये 100 रुपये अ‍ॅड केले तर त्यांना 2.06 टक्के (जीएसटीसह) अतिरिक्त शुल्क भराव लागणार आहे . त्याचप्रमाणे, जर त्याने क्रेडिट कार्डद्वारे 200 रुपये जोडले तर त्याला 4.13 टक्के (जीएसटीसह) अतिरिक्त शुल्क आकारले जाईल . तसेच, दरम्यान, हा नियम नुकताच अंमलात आला आहे. मात्र, फोनपे वॉलेटमध्ये यूपीआय आणि डेबिट कार्डद्वारे पैसे अ‍ॅड करण्यासाठी कोणतेही शुल्क लागणार नाही.

पेमेंट ट्रान्सफरसाठी इतरही अ‍ॅप आहेत जे क्रेडिट कार्ड वरून जर तुम्हाला तुमच्या वॉलेटमध्ये पेमेंट घ्यायची असेल तर तुम्हाला त्यावरही चार्जे आकारला जातोच मात्र यूपीआय आणि डेबिट कार्डद्वारे पैसे अ‍ॅड करण्यासाठी कोणतेही शुल्क लागत नाही.

अलीकडेच, फोनपेने सांगितले होते की, कंपनीला जीवन विमा आणि सामान्य विमा उत्पादने विकण्यासाठी इरडाई (IRDA) कडून तत्त्वतः मान्यता मिळाली आहे. कंपनीने म्हटले होते की, यासह ती आता आपल्या 300 दशलक्षाहून अधिक वापरकर्त्यांना विमा संबंधित सल्ला देऊ शकते. इरडाईने फोनपेला विमा ब्रोकिंग परवाना दिला आहे. आता फोनपे भारतातील सर्व विमा कंपन्यांची विमा उत्पादने विकू शकते.