Crude Oil Dainik Gomantak
अर्थविश्व

ओपेक देशांच्या या निर्णयामुळे जागतिक अर्थव्यवस्थेला मिळणार दिलासा

ओपेक देशांच्या या निर्णयामुळे जगात कच्च्या तेलाचा पुरवठा वाढेल आणि कच्च्या तेलाच्या किमती कमी होईल.

दैनिक गोमन्तक

तेल निर्यातदार देशांची संघटना (OPEC) आणि रशियासह सहयोगी देश जुलै आणि ऑगस्टमध्ये कच्च्या तेलाचे उत्पादन दररोज 6,48,000 बॅरलपर्यंत वाढवण्याची शक्यता आहे. यामुळे जागतिक कच्च्या तेलाच्या (Crude Oil) किमती कमी होतील आणि अमेरिका, भारतासह अनेक देशांमध्ये पेट्रोल-डिझेलच्या किमती कमी होतील, असा विश्वास आहे. ओपेक देशांच्या या निर्णयामुळे इंधनाच्या वाढत्या किमती आणि त्याच्या प्रभावामुळे वाढत्या महागाईचा सामना करणाऱ्या जागतिक अर्थव्यवस्थेला काहीसा दिलासा मिळणार आहे.(OPEC Decision on Crude Oil)

भारतात पेट्रोल आणि डिझेलचे दर स्वस्त कसे होऊ शकतात?

ओपेक देशांच्या या निर्णयामुळे जगात कच्च्या तेलाचा पुरवठा वाढेल आणि त्याचा परिणाम कच्च्या तेलाच्या किमती कमी होण्याच्या रूपाने दिसून येईल. कच्चे तेल स्वस्त झाल्यास भारतासह अनेक देशांमध्ये पेट्रोल आणि डिझेलचे दर नक्कीच कमी होतील. भारताच्या क्रूड बास्केटच्या किमतीत घट झाल्यामुळे देशात इंधन स्वस्त होणार आहे.

जुलै-ऑगस्टपासून कच्च्या तेलाचे उत्पादन किती होईल

OPEC आणि सहयोगी देशांचा (OPEC Plus) निर्णय महामारीच्या काळात झालेली कपात वेगाने पुनर्संचयित करण्यासाठी उपयुक्त ठरेल. 2020 पासून हळूहळू उत्पादन कपात पुनर्स्थापित करण्यासाठी ओपेक समूह दरमहा 4,32,000 बॅरल प्रतिदिन उत्पादन करत होता. ते 6,48,000 बॅरल प्रतिदिन करण्याचा निर्णय घेण्यात आला आहे.

वर्षाच्या सुरुवातीपासून अमेरिकेत कच्च्या तेलाच्या किमतीत 54 टक्क्यांनी वाढ झाली आहे. मात्र, सुरुवातीला ओपेकचा प्रमुख देश सौदी अरेबियाने तेल पुरवठा वाढवण्याच्या पाश्चात्य देशांच्या विनंतीला विरोध केला. युक्रेनवरील हल्ल्यानंतर रशियावर घातलेल्या निर्बंधांमुळे कच्च्या तेलाचे उत्पादन घटले आहे. ही कमतरता पूर्ण करण्यासाठी ओपेक आणि सहयोगी देशांना पुरवठा वाढवण्यास सांगितले होते. इंधनाच्या चढ्या किमतींमुळे, महामारीतून सावरणाऱ्या जागतिक अर्थव्यवस्थेत पुनरुज्जीवनाचा वेग मंदावेल, अशी भीती व्यक्त केली जात आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa Assembly Session: तांत्रिक अडचणीमुळे फ्लाय91 पुणे-गोवा सकाळच्या विमान उड्डाणाला विलंब

Goa Assembly: परराज्यातील दुचाकींची राज्यात नोंदणी व्हावी! दिलायला लोबोंची मागणी; टॅक्सी व्यवसाय संरक्षित करा असे आवाहन

GIDC:‘आयडीसी’च्या संचालकांवर गुन्हे नोंदवा! फेरेरांची मागणी; वित्तीय शिस्त न पाळल्याचा ठेवला ठपका

Ferry Boat Repair: फेरीबोटींवर 35 कोटींपेक्षा अधिक खर्च! आकडेवारीत विसंगती असल्याचा दावा; युरी-फळदेसाई यांच्यात जुंपली

Goa Politics: खरी कुजबुज; गोव्यातील ठेकेदार सुटले कसे?

SCROLL FOR NEXT