New Vande Bharat Express Train: ईशान्य भारतात लवकरच पहिली वंदे भारत एक्सप्रेस धावणार आहे. ही ट्रेन न्यू जलपाईगुडी ते गुवाहाटी दरम्यान आठवड्यातून सहा दिवस धावेल. ती सुमारे 410 किमीचे अंतर 6 तासात पार करेल.
ही ट्रेन सिलीगुडीतील न्यू जलपाईगुडी येथून सुटेल आणि आसाममधील (Assam) गुवाहाटी येथे पोहोचेल. पंतप्रधान नरेंद्र मोदी (Prime Minister Narendra Modi) लवकरच या ट्रेनला हिरवा झेंडा दाखवू शकतात. त्यासाठीची तयारी अंतिम टप्प्यात आहे.
आत्तापर्यंत, देशाला सेमी हाय स्पीड असलेल्या 17 वंदे भारत एक्सप्रेस मिळाल्या आहेत. नुकतेच हावडा-पुरी दरम्यान धावणाऱ्या वंदे भारत एक्सप्रेसला हिरवा झेंडा दाखवण्यात आला.
जलपाईगुडी ते गुवाहाटी अशी धावणारी नवी वंदे भारत एक्सप्रेस पाच स्थानकांवर थांबेल. ही गाडी न्यू अलिरुद्वार, न्यू बोंगाईगाव आणि कामाख्या येथे थांबेल.
ट्रेन क्रमांक 22227 न्यू जलपाईगुडी - गुवाहाटी वंदे भारत एक्सप्रेस सकाळी 06:10 वाजता सुटेल आणि दुपारी 12:00 वाजता गुवाहाटीला पोहोचेल.
तर, गुवाहाटीहून ही ट्रेन 22228 म्हणून दुपारी 4:30 वाजता सुटेल आणि रात्री 10:20 वाजता न्यू जलपाईगुडीला पोहोचेल.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.