टाटा सन्सच्या अध्यक्षपदी पाच वर्षांसाठी पुन्हा एन चंद्रशेखरन यांची नियुक्ती करण्यात आली आहे. ही त्यांची दुसरी टर्म असेल. टाटा ट्रस्टचे मंडळ आणि त्याचे अध्यक्ष रतन टाटा यांच्या मंडळाने त्यांना पाठिंबा आणि मान्यता दर्शवली आहे. आज बॉम्बे हाऊसमध्ये झालेल्या बोर्डाच्या बैठकीत हा निर्णय घेण्यात आला. अधिकृत निवेदनात म्हटले आहे की, 11 फेब्रुवारी 2022 रोजी झालेल्या बैठकीत, टाटा सन्सच्या मंडळाने गेल्या पाच वर्षांचा आढावा घेऊन कार्यकारी अध्यक्ष एन. चंद्रशेखरन यांच्या फेरनियुक्तीवर विचार केला. रतन एन टाटा (Ratan Tata) यांनी एन चंद्रशेखरन यांच्या नेतृत्वाखालील टाटा समूहाच्या प्रगती आणि कामगिरीबद्दल समाधान व्यक्त केले आहे. चंद्रशेखरन यांचा कार्यकाळ आणखी पाच वर्षांसाठी वाढविण्याची सूचनाही त्यांनी केली.(Natarajan Chandrasekaran)

वयाच्या 53 व्या वर्षी एन चंद्रशेखरन यांनी 1987 मध्ये टीसीएसमध्ये प्रवेश घेतला. 2009 मध्ये ते खालून कंपनीच्या सीईओपदापर्यंत पोहोचले. टीसीएसच्या (Tata Consultancy Services) उत्कृष्ट कामगिरीचे श्रेय हे त्यांनाच दिले जाते. आज टीसीएस ही देशातील सर्वात यशस्वी आयटी कंपनी आहे. खालून सुरुवात करून कंपनीतील सर्वोच्च स्थानावर पोहोचणे ही मोठी उपलब्धी आहे. चला जाणून घेऊया यामागची एन. चंद्रशेखरन यांची कथा.

नटराजन चंद्रशेखरन यांचा जन्म तामिळनाडूतील मोहनूर गावात एका कृषी कुटुंबात झाला. ते सहा मुलांपैकी एक होते. चंद्रशेखरन यांचे वडील वकील होते, पण आजोबांच्या निधनानंतर त्यांच्या वडिलांना शेती सांभाळावी लागली, त्यात केळी, तांदूळ आणि ऊस पिकवला जायचा. चंद्रशेखरन यांच्या वडिलांचा मेहनतीच्या ताकदीवर विश्वास होता आणि तेच त्यांनी आपल्या मुलांना शिकवले.

सुरू असलेली प्रथा मोडीत काढली

शेतकरी कुटुंबात जन्माला आलेली व्यक्ती तामिळनाडूच्या नटराजन चंद्रशेखरन हे देशातील सर्वात जुन्या आणि मोठ्या बिझनेस हाऊसचे चेअरमन झाले आहे. आतापर्यंत देशातील सर्वात मोठी माहिती तंत्रज्ञान कंपनी टीसीएसचे (टाटा कन्सल्टन्सी सर्व्हिसेस) प्रमुख असलेले नटराजन चंद्रशेखरन यांनी टाटा सन्सच्या बोर्डाने त्यांची मुख्य कार्यकारी अधिकारी (Chief Executive Officer) म्हणून निवड करून एक इतिहास रचला आहे.

या घटनेच्या इतिहासाला एक नव्हे तर दोन बाजू आहेत. पहिला पैलू म्हणजे टाटा समूह हा पारशी समाजाचा समूह असून त्यांचे आजवरचे सर्व अध्यक्ष हे याच समाजाचे किंवा समूहाचे संस्थापक जमशेदजी नसरवानजी टाटा यांच्या घराण्याशी संबंधित आहेत. परंतू टाटा सन्सने नटराजन चंद्रशेखरन यांना समूहाचे प्रमुख करून आतापर्यंत सुरू असलेली प्रथा मोडीत काढली आहे.

दुसरी बाजू अशी की टाटा समूहाने आपल्या एका कर्मचाऱ्याला त्याच्या क्षमतेवर अवलंबून राहून समूहाची कमान सोपविली आहे, असे घेतलेले क्रांतिकारी पाऊल उद्योगात क्वचितच पाहायला मिळते. टाटा सन्सच्या अध्यक्षपदी नटराजन चंद्रशेखरन यांची उचलबांगडी हे मात्र भारतीय उद्योग जगतासाठी विस्मयकारक पण सकारात्मक लक्षण आहे.

आधी कृषी पदवी आणि नंतर सीए होण्याचा विचार

चंद्रशेखरन यांनी कोईम्बतूर इन्स्टिट्यूट ऑफ टेक्नॉलॉजीमधून अप्लाइड सायन्सेसमध्ये बीएससी पदवी घेतली आहे. त्यानंतर ते घरी परतले आणि शेती व्यवसाय म्हणून स्वीकारण्यात आनंद होईल की नाही हे पाहण्यासाठी ते सहा महिने तिथे राहिले. चार-पाच महिने उलटून गेल्यावर त्यांना जाणवले की आपण कृषी क्षेत्रासाठी चांगले नाही आणि त्यांनी सीए होण्याचा विचार केला. मात्र, तोपर्यंत या शैक्षणिक वर्षासाठी सीए प्रवेशाची वेळ निघून गेली होती.

चंद्रशेखरन यांनी 1986 मध्ये त्रिचीच्या प्रादेशिक अभियांत्रिकी महाविद्यालयात संमास्टर इन कंप्यूटर ऐप्लीकेशन शिक्षणासाठी अर्ज करण्याचा निर्णय घेतला. हा निर्णय आपले आयुष्य बदलून टाकेल अशी भावना त्याच्या मनात होती. आणि ते अखेर पूर्ण झाले.