Vande Bharat Train: मोदी सरकारकडून रेल्वे प्रवाशांना अनेक प्रकारच्या सुविधा पुरवल्या जात आहेत. दरम्यान, रेल्वेचे जाळे सुधारण्यासाठी सरकार अनेक मोठी पाऊले उचलत आहे. यातच आता, मोदी सरकारने वंदे भारत बाबत एक महत्त्वाची अपडेट दिली आहे. त्यामुळे लोकांना अधिक सुविधा मिळणार आहेत.

वंदे भारत ट्रेन

वंदे भारत ट्रेनच्या माध्यमातून देशातील लोकांना हायस्पीड ट्रेन उपलब्ध करुन देण्यात आली आहेत. वंदे भारत ट्रेनमधून प्रवास (Travel) करणाऱ्या लोकांना एक नवीन अनुभव मिळत आहे.

तसेच, 30 मे पासून या ट्रेनद्वारे लोकांना आणखी चांगली कनेक्टिव्हिटी मिळणार आहे. याची घोषणाही मोदी सरकारने केली आहे.

नवीन थांबा

आता वंदे भारत ट्रेनच्या मार्गात नवीन स्थानकाचा समावेश करण्यात आला आहे. केंद्रीय रेल्वे राज्यमंत्री दर्शना जरदोश यांनी ट्विट करत म्हटले की, 'लोकांना चांगल्या कनेक्टिव्हिटीसह सेवा देण्यासाठी, ट्रेन क्रमांक 20901/20902 मुंबई सेंट्रल-गांधीनगर राजधानी वंदे भारत एक्स्प्रेसचा 30 मे 2023 पासून बोरिवली स्टेशनवर थांबा असेल. याशिवाय ही ट्रेन बुधवारी नाही तर रविवारी धावणार आहे.'

सेमी-हाय स्पीड ट्रेन

अत्याधुनिक सुविधांनी सुसज्ज असलेली भारतातील पहिली सेमी-हाय स्पीड ट्रेन वंदे भारत एक्सप्रेस प्रवाशांमध्ये खूप लोकप्रिय होत आहे. ती प्रवाशांना (Passengers) अधिक चांगला अनुभव देत आहे. शताब्दी, राजधानी आणि लोकल गाड्या वंदे भारत ट्रेनमध्ये बदलण्याची तयारी सुरु आहे. त्याचवेळी, वंदे भारत ट्रेन ताशी 160 किमी वेगाने धावते.