Reliance Q1 Result: मुकेश अंबानी यांच्या रिलायन्स ग्रुपनेही आज त्यांचे तिमाही निकाल जाहीर केले आहेत. रिलायन्सची दूरसंचार कंपनी Jio (Reliance Jio Q1 Results) च्या नफ्यात तब्बल 12 टक्क्यांनी वाढ झाली आहे.

4,863 कोटींचा आकडा गाठला

दूरसंचार कंपनी रिलायन्स (Reliance) जिओचा निव्वळ नफा एप्रिल-जून तिमाहीत 12.1 टक्क्यांनी वाढून 4,863 कोटी रुपये झाला आहे. मागील वर्षीच्या याच तिमाहीत तो 4,335 कोटी रुपये होता.

शेअर बाजाराला माहिती दिली

रिलायन्स जिओने शुक्रवारी शेअर बाजाराला (Stock Market) पहिल्या तिमाहीचे निकाल कळवले. त्यानुसार, या कालावधीत त्यांचे एकूण उत्पन्न वाढून 24,127 कोटी रुपये झाले, जे मागील वर्षीच्या याच कालावधीत 21,995 कोटी रुपये होते.

कंपनीचे उत्पन्न वाढले

रिलायन्स समूहाच्या दूरसंचार युनिटचे परिचालन उत्पन्न जूनच्या तिमाहीत 9.9 टक्क्यांनी वाढून 24,042 कोटी रुपये झाले आहे जे मागील वर्षीच्या तिमाहीत 21,873 कोटी रुपये होते.