Virus Alert: आपण आपल्या मोबाईल फोनमध्ये नेहमी नवनवीन अॅप डाउनलोड करत असतो. पण आपल्या नकळत कधीतरी आपण घातक अॅप घेतो ज्याने आपले नुकसान होऊ शकते. या घातक अॅपमुळे आपल्या डेटावर (Data) सायबर हल्लादेखील (Cyber Crime) होऊ शकतो. असाच एक धोकादायक व्हायरस आता परत आला आहे ज्याच नाव आहे जोकर (Joker).

Joker मालवेअर गुगल प्ले स्टोअरवर (Google Play Store) वर परत आला आहे. Android युजर्सच्या फोनवर हल्ला करण्यासाठी सायबर गुन्हेगारांसाठी कुप्रसिद्ध असलेला जोकर स्मार्टफोन युजर्ससाठी मोठे टेन्शन असून माहितीनुसार, Joker आता Google Play Store वरून पाच लाखपेक्षा अधिक वेळा डाउनलोड केलेल्या अॅप्समध्ये जोकर व्हायरस आढळून आला आहे. सायबर हल्ला (Cyber Crime) करण्यासाठी हा व्हायरस कुप्रसिद्ध आहे.

गुगल प्ले स्टोअरवर ‘कलर मेसेज (Color Message) हे अॅप या व्हायरसने संक्रमित असल्याचे आढळून आले आहे. त्यामुळे जर तुम्ही हे अॅप डाउनलोड केले असेल तर त्वरित डिलीट (Delete) करावे. नाहीतर याचा आपल्या बँक खात्यावर विपरीत परिणाम होऊ शकतो.