Income Tax Return: देशात ज्या लोकांचे उत्पन्न करपात्र आहे, त्यांनी आयकर रिटर्न भरणे आवश्यक आहे. आयकर विवरणपत्र भरुन लोक त्यांचे कर दायित्व पूर्ण करु शकतात. त्याचबरोबर लोकांना वेगवेगळ्या उत्पन्नानुसार वेगवेगळे कर भरावे लागतात.
मात्र सरकारच्या वतीने आयकर विवरणपत्र भरताना करात काही सूटही देण्यात आली आहे. या सवलतीचा फायदा घेऊन लोक कर वाचवू शकतात. चला तर मग जाणून घेऊया...
दरम्यान, प्रत्येक व्यक्तीचे उत्पन्न भिन्न आहे. नोकरी करणाऱ्यांचे वार्षिक उत्पन्न निश्चितच लाखोंच्या घरात असणार. या उत्पन्नावर त्यांना आयकर रिटर्नही भरावे लागते. मात्र, आता लोकांना आयकर रिटर्न भरताना मोठी सूट देण्यात आली आहे.
खरेतर, अर्थमंत्री निर्मला सीतारामन (Nirmala Sitharaman) यांच्या वतीने 2023 चा अर्थसंकल्प सादर करताना, अशी घोषणा करण्यात आली होती की, जर एखाद्याने नवीन कर प्रणालीसह आयकर विवरणपत्र भरले तर त्याला वार्षिक 7 लाख रुपयांपर्यंतच्या उत्पन्नावर कोणताही कर भरावा लागणार नाही.
अशा परिस्थितीत, जर एखाद्या व्यक्तीचे वार्षिक उत्पन्न 7 लाख रुपये किंवा त्यापेक्षा कमी असेल, तर तो नवीन कर प्रणालीमध्ये आयटीआर भरुन कर वाचवू शकतो. अशा स्थितीत त्या व्यक्तीला कर भरावा लागणार नाही. तथापि, जर एखाद्या वेगळ्या व्यक्तीने जुन्या कर प्रणालीनुसार कर भरला तर त्याला वेगळ्या रकमेवर कर भरावा लागेल.
नोकरी करणाऱ्या व्यक्तीने कोणत्याही संस्थेत 5 वर्षानंतर आपली कंपनी सोडल्यास त्याला ग्रॅच्युइटीचा लाभ मिळतो. ही रक्कम पूर्णपणे करमुक्त आहे. जर सरकारी कर्मचाऱ्यांबद्दल (Employees) बोलायचे झाल्यास, त्यांची 20 लाखांपर्यंतची रक्कम करमुक्त आहे. त्याचबरोबर, खासगी कर्मचाऱ्यांची 10 लाखांपर्यंतची रक्कम करमुक्त आहे.
याशिवाय, पीपीएफच्या पैशांवरही कर नाही. यावर मिळणारे व्याज, मॅच्युरिटी कालावधी पूर्ण झाल्यावर मिळणारी रक्कम, तिन्ही करमुक्त आहे. यासोबतच, जर कर्मचाऱ्याने 5 वर्षे सलग काम केल्यानंतर त्याचा EPF काढला तर त्याला या रकमेवरही कर भरावा लागणार नाही.
त्याचबरोबर, जर तुम्हाला तुमच्या पालकांकडून कौटुंबिक मालमत्ता, रोख रक्कम किंवा दागिने मिळाले असतील तर ते करमुक्त आहे. अशा भेटवस्तूंवर कोणताही कर आकारला जात नाही. जर त्याला त्याच्या पालकांकडून मिळालेली रक्कम गुंतवून कमवायचे असेल, तर त्याला त्यातून मिळणाऱ्या उत्पन्नावर कर भरावा लागेल.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.