Gold Silver Price सोने-चांदी हा गुंतवणुकीसाठी उत्तम पर्याय मानला जातो. मागील काही दिवसांपासून सोन्या-चांदीच्या दरात चढ पाहायला मिळाली. सोन्याने केवळ भारतीय सराफा बाजारातच नाही तर आंतरराष्ट्रीय बाजारातही मुसंडी मारली आहे. अमेरिकेत महागाई आटोक्यात आणण्यासाठी व्याजदर वाढविण्यात आला आहे. त्यामुळे सोने-चांदीच्या किंमती भडकल्याची माहिती मिळतेय.

तज्ज्ञांच्या मते, अमेरिकन केंद्रीय बँक फेडरल रिझर्व्ह आता व्याजदर वाढविण्याच्या मनस्थितीत नाही. वायदे बाजारात सोने एका कालावधीसाठी जोर पकडेल. भारतीय बाजारात सोने 61,700 ते 62,500 प्रति 10 ग्रॅम या दरम्यान जाण्याची शक्यता आहे.

आजचा भाव काय

गुडरिटर्न्सनुसार,आज सोने-चांदीत घसरण झाली. 22 कॅरेट 10 ग्रॅम सोन्याची किंमत प्रति तोळा 100 रुपयांनी घसरली. आज हा भाव 55,950 रुपये आहे तर 24 कॅरेट एक तोळा सोने आज सकाळी 61,020 रुपये आहे.

110 रुपयांची प्रति तोळा घसरण नोंदविण्यात आली. आज सकाळी चांदीचे भाव जाहीर झाले नाहीत. काल एक किलो चांदी 76,600 रुपये होती.

इंडियन बुलियन ज्वेलर्स असोसिएशन (IBJA) शनिवार, रविवार सोन्या-चांदीचे भाव घोषीत करत नाही. तसेच केंद्र सरकार ज्या दिवशी सुट्टी घोषीत करते त्या दिवशी पण नवीन भाव जाहीर करण्यात येत नाहीत.