म्युच्युअल फंडात गुंतवणूक करताना 15-15-15 चा नियम पाळल्यास तुम्ही ठराविक वेळेत करोडपती होऊ शकता. 15-15-15 म्हणजे दर महिन्याला गुंतवायची रक्कम, वेळ आणि व्याजदर. ऑप्टिमा मनी मैनेजर्सचे फाउंडर आणि सीईओ पंकज मठपाल यांच्या म्हणण्यानुसार एखाद्या व्यक्तीने 15 वर्षांसाठी दरमहा 15,000 रुपये गुंतवल्यास आणि सरासरी वार्षिक 15 टक्के परतावा मिळाल्यास तो करोडपती होऊ शकतो. (Follow 15 15 15 rule to become millionaire)

मठपाल यांनी सांगितले की, जर एखाद्या व्यक्तीने 15 वर्षे दरमहा 15 हजार रुपये जमा केले तर त्याला एकूण 27 लाख रुपये गुंतवावे लागतील. परताव्याचा वार्षिक सरासरी दर 15 टक्के असल्यास, त्याला 27 लाखांच्या गुंतवणुकीवर (Investment) 15 वर्षांत एकूण 74,52,946 रुपये परतावा मिळू शकेल. अशा प्रकारे त्याच्या गुंतवणुकीचे एकूण मूल्य 1.01 कोटी रुपये होईल. अशाप्रकारे, उद्दिष्ट अधिक वेगाने साध्य होईल. मठपाल स्पष्ट करतात की, 15,000 रुपये दरमहा गुंतवणुकीला सुरुवात केल्यानंतर, एखाद्या व्यक्तीने वाढत्या उत्पन्नावर (Income) गुंतवणूकीची रक्कम वाढवली, तर तो पूर्ण होण्याआधीच लक्षाधीश होण्याचे उद्दिष्ट साध्य करू शकतो.

दीर्घकालीन गुंतवणुकीचे अनेक फायदे
वित्तीय नियोजक म्हणतात की, दीर्घकाळ गुंतवणूक केल्याने तुम्हाला चक्रवाढीचा लाभ मिळतो. उदाहरणार्थ, जर तुम्ही 15 ऐवजी 20 वर्षांसाठी 15,000 रुपये गुंतवत राहिल्यास, तुम्हाला 20 वर्षांनंतर 15 टक्के दराने 2.27 कोटी रुपये मिळतील. आणखी पाच वर्षे गुंतवल्यानंतर तुम्हाला मिळणारी रक्कम दुप्पट झाली आहे.