Father's Day Special: दरवर्षी 18 जून हा दिवस फादर्स डे म्हणून साजरा केला जातो. आईप्रमाणेच वडिलांचेही मुलांच्या जीवात महत्वाचे स्थान असते. जरी तुमचे वडील तुमच्यावर असलेले प्रेम तुमच्यासमोर व्यक्त करत नसले तरी त्यांना तुमची सर्वात जास्त काळजी असते. आज जर तुम्हाला कोणती चांगली भेटवस्तु द्यायची असेल तर आर्थिक मदत होईल अशी भेट दिल्यास त्यांने आर्थिक समस्यांना सामोरे जावे लागणार नाही.  

आर्थिक स्थिती सुधारण्यासोबतच गरजेच्या वेळी या भेटवस्तूंची मदत होऊ शकते. तुमच्या वडिलांची आर्थिक उद्देश पूर्ण करणाऱ्या या गोष्टींबद्दल जाणून घ्या.

• म्युच्युअल फंड SIP तून सुरुवात करा

फादर्स डे निमित्त तुम्ही तुमच्या वडिलांना म्युच्युअल फंड एसआयपी भेट देऊ शकता. छोट्याशा रकमेतील गुंतवणूकीतून काही वर्षांनी त्यांच्या भविष्यासाठी चांगला मोठा फंड तयार होऊ शकतो.यामुळे त्यांना कोणतीही आर्थिक समस्यांना सामोरे जावे लागणार नाही.

• आर्थिक योजना

तुम्ही तुमच्या आर्थिक सल्लागाराचा सल्ला घेऊन तुमच्या वडिलांसाठी सर्वसमावेशक गुंतवणूक योजनेची निवड करु शकता. तुम्ही सरकारी योजना, म्युच्युअल फंड, इक्विटी आणि इतर गोष्टींमध्ये देखील गुंतवणूक करु शकता. यामुळे कठिण काळात त्यांना मदत मिळेल.

• आरोग्य विमा

फादर्स डे निमित्त तुम्ही वृद्ध वडिल असल्यास तुम्ही त्यांना आरोग्य विमा भेट देऊ शकता. वृद्धांसाठी आरोग्य विमा काढणे सोपे नाही, परंतु भेटवस्तू म्हणून दिल्यास ते गरजेच्या वेळी उपयोगी नक्की पडेल. अनेक कंपन्या ज्येष्ठ नागरिकांचे आरोग्य तपासल्यानंतर त्यांना आरोग्य विमा देतात.

• कर्जाची रक्कम परत करा

जर तुमच्या वडिलांच्या नावावर कोणतेही कर्ज असेल तर त्या कर्जाची परतफेड करणे ही सर्वात चांगली भेट असेल. त्यामुळे त्यांचा आर्थिक भार कमी होईल.