दिवाळी (Diwali) सणानिमित्त बाजार दोन दिवस बंद राहणार असला तरी दिवाळीच्या दिवशी 'मुहूर्त ट्रेडिंग' (Muhurta trading) सत्रासाठी शेअर बाजार (Share Market) तासभर उघडत असतो. दिवाळीला शेअर बाजार बंद असले तरी, दिवाळीच्या निमित्ताने दरवर्षी 'मुहूर्त ट्रेडिंग' केले जाते आणि या सत्रात सामान्य व्यवहारापूर्वी ब्लॉक डील सत्र असते आणि लागेचच बाजार बंद केला जातो. (Dhanteras Special: Know all about Muhurta trading)

भारतीय शेअर बाजाराची ट्रेडिंगची ही एक प्रतीकात्मकपद्धत आहे जी अनेक वर्षांपासून केला जातो आणि गुंतवणूकदार या दिवशी काही टोकन देखील खरेदी करतात ((Dhanteras Special).

यावर्षी देखील शेअर बाजारात ही 'मुहूर्त ट्रेडिंग' पाळली जाणार आहे. 4 नोव्हेंबर 2021 रोजी, दोन्ही स्टॉक एक्स्चेंज संध्याकाळी 6.15 ते 7.15 दरम्यान त्यांचा एक तासाचा विशेष मुहूर्त ट्रेडिंग करतील.त्या दिवशी, ब्लॉक डील सत्र 5.45 ते संध्याकाळी 6 वाजेपर्यंत 15 मिनिटे चालेल आणि प्री-ओपन सत्र संध्याकाळी 6 ते 6.08 दरम्यान 8 मिनिटे चालेल.विशेष म्हणजे, 'मुहूर्त ट्रेडिंग ' वेळ ज्योतिषशास्त्रानुसार परिभाषित केलेल्या दिवसाच्या शुभ मुहूर्तावर आधारित केली जाते.

काय आहे भारतीय शेअर बाजारात मुहूर्त ट्रेडिंगचे महत्त्व

भारतीय बाजारासाठी मुहूर्त ट्रेडिंग महत्त्वपूर्ण मानले जाते कारण हा मुहूर्त नवीन वर्षाची किंवा 'संवत'ची सुरुवात करतो. या वर्षी, मुहूर्त ट्रेडिंग हिंदू कॅलेंडरनुसार, संवत 2078 ची सुरुवात करेल.दिवाळी ही नवीन वर्षाची सुरुवात असल्याने, मुहूर्त ट्रेडिंग सत्र उर्वरित वर्षभर समृद्धी आणि पैसा आणणारा मानला जातो.आणि म्हणून याला भारतीय बाजारात अधिक महत्व आहे. हा हूर्त ट्रेडिंग बाजारात BSE वर 1957 मध्ये आणि NSE वर 1992 मध्ये सराव सुरू झाला आहे

दरम्यान या आठवड्यात दोन दिवस शेअर बाजार बंद राहणार आहे. 4 नोव्हेंबरला दिवाळी, 5 नोव्हेंबरला दिवाळी बलिप्रतिपदेनिमित्त शेअर बाजार बंद राहणार आहे. दुसरीकडे 19 नोव्हेंबरला गुरु नानक जयंतीनिमित्त बाजारपेठ बंद राहणार आहे. BSE च्या स्टॉक मार्केट हॉलिडे कॅलेंडरनुसार, या दिवशी इक्विटी, डेरिव्हेटिव्ह आणि SLB सेगमेंटमध्ये कोणतेही व्यवहार होणार नाहीत. मात्र, 4 नोव्हेंबर रोजी ट्रेडिंग होणार आहे.