होंडा सीबी शाईन (Honda CB Shine) ही देशातली दुसरी सर्वात लोकप्रिय बाइक आहे. 125 सीसी सेगमेंटमध्ये लोकप्रिय असलेली शाईन ऑगस्ट महिन्यातील बेस्ट सेलिंग बाइक ठरली आहे. शाईन डिस्क आणि ड्रम ब्रेक व्हेरिएंट्सह येते. कंपनीने अलिकडेच या बाइकचं सेलिब्रेशन एडिशन बाजारात आणले आहे. नवीन मॉडेलला ग्राहकांकडून जोरदार प्रतिसाद मिळत आहे.

होंडा शाईन सेलिब्रेशन एडिशनची किंमत 82,056 रुपये इतकी आहे. ही सुरुवातीची किंमत एक्स शोरूममधील आहे. या बाइकची ऑन रोड प्राईस 96,368 रुपये इतकी आहे. दुचाकीच्या किंमती वाढल्याने त्या खरेदी करणं सामान्य माणसाच्या अवाक्या बाहेर गेले आहे. यावर उपाय म्हणून ही बाइक सोप्या फायनान्स प्लॅनसह खरेदी करता येईल. चला तर मग जाणून घेऊयात काय आहे हा फायनान्स प्लॅन?

असा आहे फायनान्स प्लॅन

होंडा शाईन बाइक खरेदी करणाऱ्या ग्राहकांना बँक 80,685 रुपयांचं कर्ज देत आहे. हे कर्ज 9.7 टक्के व्याजदराने दिलं जात आहे. कर्ज अप्रूव्ह झाल्यानंतर तुम्ही 16 हजार रुपयांचं डाऊन पेमेंट करून ही बाइक खरेदी करू शकता. त्यानंतर तुम्हाला दर महिन्याला केवळ 2,592 रुपयांचा हप्ता (EMI) म्हणजेच भारावा लागेल.