Breaking from RBI 2000 Note Exchange Date Increases To 7 October: आज सप्टेंबर महिन्याच्या शेवटच्या दिवशी रिझर्व्ह बँक ऑफ इंडियाने (RBI) देशातील अशा लोकांना मोठा दिलासा दिला आहे, जे आतापर्यंत चलनातून बाद झालेल्या 2000 रुपयांच्या नोटा बदलू शकत नव्हते.
RBI ने आता त्याची मुदत 7 ऑक्टोबर 2023 पर्यंत वाढवली आहे. विशेष म्हणजे, हे काम पूर्ण करण्यासाठी यापूर्वी 30 सप्टेंबर ही अंतिम तारीख निश्चित करण्यात आली होती. हा कालावधी आज संपत होता. मात्र, याआधीच आरबीआयने लोकांना आणखी 7 दिवसांची मुदत दिली आहे.
रिझर्व्ह बँक ऑफ इंडिया (RBI) ने सांगितले की, बँकेत 2000 रुपयांच्या नोटा जमा करण्याचा कालावधी संपला आहे. यासोबतच पुनरावलोकनाच्या आधारे बँकेत 2000 रुपयांच्या नोटा जमा करण्याची किंवा बदलण्याची तारीख वाढवण्याचा निर्णय घेण्यात आला आहे.
आता ज्यांच्याकडे 2000 रुपयांच्या नोटा आहेत ते बँकेत (Bank) जमा करु शकतात किंवा 7 ऑक्टोबरपर्यंत बदलून घेऊ शकतात.
दरम्यान, 19 मे 2023 रोजी आरबीआयने 2000 रुपयांच्या नोटा बदलून ठेवण्याची आणि जमा करण्याची घोषणा केली होती. यासाठी बँकेने 30 सप्टेंबर ही अंतिम तारीख निश्चित केली होती.
एकावेळी फक्त 2000 रुपयांच्या 20 हजार रुपयांच्या नोटा बदलता येतील, असेही सांगितले. यानंतर, शनिवारी आरबीआयने (RBI) अपडेट दिली की, आता 7 ऑक्टोबरपर्यंत 2,000 रुपयांच्या नोटा बदलून किंवा बँकांमध्ये जमा करता येतील.
RBI ने सांगितले की, 19 मे पर्यंत चलनात असलेल्या एकूण ₹3.56 लाख कोटींपैकी ₹3.42 लाख कोटी किमतीच्या ₹2000 च्या नोटा परत आल्या आहेत. यामुळे 29 सप्टेंबरपर्यंत केवळ ₹ 2000 च्या 0.14 लाख कोटी रुपयांच्या नोटा चलनात उरल्या आहेत ज्या अद्याप बँकांमध्ये परत आलेल्या नाहीत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.