अॅपल (Apple) ने आपल्या आगामी इव्हेंटची तारीख जाहीर केली आहे. या इव्हेंटमध्ये iPhone 14 सीरीज लाँच होणार आहे. अॅपलचा इव्हेंट 7 सप्टेंबर रोजी होणार आहे. कंपनीने आपले आमंत्रण शेअर केले आहे. आयफोन आणि अॅपल वॉच या कार्यक्रमात लाँच होणार आहेत. अॅपल इव्हेंटसाठी कंपनीने फार आऊट टॅग लाइन वापरली आहे.

इव्हेंटमध्ये, iPhone 14 सिरीजसह नवीन Apple Watch, iPad टॅब्लेट आणि इतर प्रोडक्ट पाहता येणार आहे. कंपनी यासोबत iOS 16 आणि वॉच OS 9 ची घोषणा करण्याची शक्यता आहे.

7 सप्टेंबर रोजी होणाऱ्या या इव्हेंटचे खास आकर्षण म्हणजे iPhone 14 सिरीज आहे. रिपोर्ट्सनुसार, कंपनी या सीरिजमध्ये चार आयफोन लाँच करू शकते. यामध्ये iPhone 14, iPhone 14 Max, iPhone 14 Pro आणि iPhone 14 Pro Max यांचा समावेश असू शकतो. कंपनीने आयफोन 12 आणि 13 सीरीजसह मिनी व्हर्जन लाँच केले.

आयफोन व्यतिरिक्त कंपनी या इव्हेंटमध्ये इतर प्रोडक्ट देखील लाँच करणार आहे. यामध्ये iPad 10.2 (10th जनरेशन), iPad Pro 12.9 (6th जनरेशन) आणि iPad Pro 11 (4th जनरेशन) लाँच केले जाऊ शकतात. Apple A14 चिपसेट आणि USB Type-C पोर्ट लो-एंड iPad मॉडेल्समध्ये दिसतील.