अदानी समूह (Adani Group) येत्या दहा वर्षात एक हजार मेगाव्हॅट डेटा सेंटरची उभारणी करणार आहे. यामुळे कंपनीची क्षमता सध्याच्या क्षमतेपेक्षा दुप्पट होणार आहे. अदानी समूहाची अदानीकोनेक्स (AdaniconneX) ही कंपनी या सेंटरची उभारणी करणार आहे. पीटीआयने याबाबत वृत्त प्रसारित केले आहे.

अदानीकोनेक्सचे वरीष्ठ अध्यक्ष आणि डेटा सेंटरचे प्रमुख संजय भुटानी यांनी याबाबत माहिती दिली आहे. कंपनी मुंबई, चेन्नई, हैद्राबाद, दिल्ली, बंगळुरू आणि पुण्यात पहिले सात सेंटर उभारली जातील असे भुटानी म्हणाले. सध्या उद्योग 550 मेगाव्हॅटचा आहे, आम्ही ही क्षमता दुप्पट करण्याचा विचार करत आहोत. येत्या काळात 1000 मेगाव्हॅट क्षमतेचे डेटा सेंटर उभारली जातील असे त्यांनी नमूद केले.

सहा शहरात सात सेंटर उभारली जातील, ज्यांची क्षमता 450 मेगाव्हॅट असेल. तर, 550 मेगाव्हॅट सेंटर टिअर दोन आणि तीन शहरात उभारली जातील. भारताला जागतीक डिजिटल हब बनविण्यासाठी भारताला इतर देशांचा डेटा होस्ट करण्यासाठी सक्षम करणे आवश्यक आहे. असे भुटानी म्हणाले.