पर्यावरण संरक्षण आणि पर्यावरणपूरक उत्पादनांना प्रोत्साहन देण्यासाठी जयपूरचा एक व्यक्ती अनोखे काम करत आहे. फक्त काम नव्हे तर त्यातून करोडो रूपये देखील कमवत आहेत. भीमराज शर्मा गाईच्या शेणापासून तब्बल 70 प्रकारच्या विविध पर्यावरणपूरक वस्तू तयार करतात. भीमराज शर्मा यांनी 2017 मध्ये शेणापासून उत्पादने बनवण्यास सुरुवात केली आणि त्याचे त्यांना पेटंट मिळाले. शर्मा गाईच्या शेणापासून गोकृती नावाने कागद बनवतात. तसेच, विविध प्रकारच्या स्टेशनरी वस्तू देखील बनवतात.

सणाच्या पार्श्वभूमीवर भीमराज शर्मा यांनी शेणापासून बनवलेल्या देवदेवतांच्या मूर्ती आणि अनेक विविध वस्तूंची चांगली विक्री होते. सणासुदीच्या काळात उत्पादनांना इतकी मागणी असते की, ती पूर्ण करणे शक्य होत नाही. असे भीमराज शर्मा म्हणाले. कोरोना संकटानंतर गौरीकृतीच्या कामावर परिणाम झाला, मात्र आताही शर्मा एक कोटींची उलाढाल करत आहेत आणि एका वर्षात 40 लाख रुपयांपर्यंत कमाई करत आहेत. 100 हून अधिक महिलांना गोकृतीच्या माध्यमातून रोजगार मिळाला आहे, तर 20-25 जणांची टीम थेट शर्मा यांच्यासोबत काम करत आहे.

"दक्षिण आफ्रिकेत हत्तीच्या शेणापासून काही उत्पादने आणि कागद बनवले जात असल्याचे ऐकले होते. यानंतर शेणापासून काही पदार्थ बनवण्याचा विचार केला. गायीचे वय 15 वर्षे असते, ज्यामध्ये ती फक्त 5 वर्षे दूध देते. उर्वरित 10 वर्षे ती शेण आणि गोमूत्र देते." असे भीमराज शर्मा म्हणाले.

भीमराज शर्मा यांनी ताजे शेण खरेदी करून, ते यंत्राच्या साहाय्याने मिसळून कपड्यांचे बारीक तुकडे केले. तुकडे चांगले मिसळून त्याचा कागद तयार केला जातो. कागद रंगीबेरंगी करण्यासाठी हळद आणि सेंद्रिय उत्पादने वापरली जातात. भीमराज शर्मा यांच्या या पेपरला लाल बहादूर शास्त्री नॅशनल अॅकॅडमी ऑफ अॅडमिनिस्ट्रेशनकडूनही मागणी आहे. शर्मा शेणाच्या कागदापासून ग्रीटिंग कार्ड्स, स्टेशनरी, फाइल्स, बुक कव्हर यांसारखी उत्पादने तयार करतात.