Stray Dog Attack: हवेली-कुर्टीत भटक्या कुत्र्याचा​ अल्पवयीन मुलीवर हल्ला

हवेली-कुर्टी परिसरात एक धक्कादायक घटना घडली. भटक्या कुत्र्याने एका केवळ पाच वर्षांच्या अल्पवयीन मुलीवर अचानक हल्ला केला. या हल्ल्यात मुलगी गंभीर जखमी झाली असून तिला तात्काळ नजीकच्या रुग्णालयात दाखल करण्यात आले आहे. सध्या तिच्यावर उपचार सुरू आहेत.

ही घटना ज्या ठिकाणी घडली तेथे एक अंगणवाडी कार्यरत आहे. त्यामुळे लहान बालकांची सतत वर्दळ असते. अशा ठिकाणी भटक्या कुत्र्यांचा मुक्त संचार ही अत्यंत गंभीर बाब मानली जात आहे. स्थानिक नागरिकांनी या घटनेनंतर जोरदार संताप व्यक्त केला असून, त्यांनी प्रशासनाकडे कठोर उपाययोजना करण्याची मागणी केली आहे.