Shigao: शिगावमध्ये वीज खात्याच्या केबल चोरीचा प्रयत्न, तिघांना अटक

फोंडा: माटोजे-शिगाव येथील वीज खात्याचा बंच केबल चोरताना वाहनासहीत तिघाजणांना ग्रामस्थ व वीज खात्याच्या कर्मचाऱ्यांनी रंगेहाथ पकडून कुळे पोलिसांच्या स्वाधीन केले.

पोलिसांनी दिलेल्या माहितीनुसार, माटोजे-शिगाव येथे वीज खात्याचा बंच केबल काढून ठेवलेला होता. तो चोरी करण्यासाठी हे चोरटे आले

होते. त्यांनी रिक्षात केबल घालून पळून जाण्याच्या तयारीत असताना वीज खात्याचे कर्मचारी रामदास वेळीप व ग्रामस्थांनी एक अल्पवयीन मुलगा, आयन सिद्दकी (२३), रवी कुमार (४०, सर्वजण रा. बेतोडा) यांना पकडून

ठेवले व याची संपूर्ण माहिती आपल्या ज्येष्ठ अधिकाऱ्याला दिली. त्यांनी लगेच पोलिसांना कळविले. कुळे पोलिस घटनास्थळी आले व तिघांना ताब्यात घेतले.