Panaji Tree Fall: ...अन मोटरसायकल पायलट थोडक्यात बचावला!

गेल्या काही दिवसांपासून राज्यात मुसळधार पाऊस पडत आहे. काही ठिकाणी रस्त्यांवर झाडे पडल्याने वाहतूक विस्कळीत झाली तर काही ठिकाणी लोकांच्या घरांमध्ये पाणी शिरले. यातच, राजधानी पणजीतील वर्दळीचे ठीकाण असणाऱ्या मेरी इमॅक्युलेट चर्च समोरील एका जीर्ण झाडाची फांदी कोसळली. या दुर्घटनेत एक मोटरसायकल पायलट थोडक्यात बचावला. तर रस्त्यावर उभ्या असलेल्या कारचे मोठे नुकसान झाले. व्हिडिओमध्ये तुम्ही रस्त्यावर पडलेली झाडाची फांदी स्पष्टपणे पाहू शकता. रस्त्यावर काही वेळासाठी वाहतूक कोंडी झाल्याचे पाहायला मिळाले.