'मराठी'वरून सभागृहात पुन्हा शाब्दिक बाचाबाची; Watch Video

गोवा विधानसभा अधिवेशनाच्या चौथ्या दिवशी (गुरुवार, २४ जुलै) सभागृहात भाषेवरून जोरदार वादंग पाहायला मिळाला. मांद्रेचे महाराष्ट्रवादी गोमंतक पक्षाचे आमदार जीत आरोलकर यांनी मराठी भाषेला द्वितीय राजभाषेचा मान देण्याची मागणी केली. मात्र, या मागणीला विरोधी पक्षनेते युरी आलेमाव आणि आमदार विजय सरदेसाई यांनी तीव्र विरोध दर्शवला.

आमदार जीत आरोलकर यांनी विधानसभेत मराठी भाषेचा मुद्दा सादर करण्याची भूमिका मांडताना म्हटले की, जर राज्यात आमंत्रण पत्रिका, आरती आणि विविध वर्तमानपत्रे मराठी भाषेतून प्रसिद्ध होत असतील, तर मराठीला राजभाषेचा दर्जा न देणे हा भाषेवर होणारा अपमान आहे. त्यांच्या या भूमिकेवर विरोधी पक्षनेते युरी आलेमाव आक्रमक झाले. त्यांनी हा मुद्दा 'शून्य प्रहरात' उपस्थित करता येत नसल्याचा दावा केला, ज्याला आमदार विजय सरदेसाई यांनीही पाठिंबा दिला.