Goa Politics: देवेंद्र फडणवीस यांच्या गोवा दौऱ्यावर काँग्रेसची सडकून टीका

महाराष्ट्राचे उपमुख्यमंत्री देवेंद्र फडणवीस यांच्या नेतृत्वाखाली महाराष्ट्र विधानसभा निवडणुकीत महायुतीचा पराभव निश्चित असल्याचे म्हणत गोव्याचे कॉंग्रेस प्रदेशाध्यक्ष यांनी टीकास्त्र डागले. पाटकर यांनी काल (26 ऑगस्ट) पत्रकार परिषद घेवून फडणवीसांचा समाचार घेतला. महाराष्ट्र विधानसभा निवडणुकीत भाजप, शिंदेची शिवसेना आणि अजित पवार यांच्या राष्ट्रवादी कॉंग्रेस यांच्या महायुतीचा पराभव निश्चित असल्याचे पाटकर म्हणाले. फडणवीसांनी गोवा दौऱ्यात कॉंग्रेसवर हल्लाबोल केला होता. त्यानंतर आता कॉंग्रेस प्रदेशाध्यक्ष अमित पाटकर यांनी फडणवीसांनी केलेल्या वक्तव्याचा समाचार घेतला.