वाळपई: गेल्या काही दिवसांपासून पडत असलेल्या मुसळधार पावसामुळे गिमोये-मोर्ले (सत्तरी) येथील वासू मोरजकर यांच्या घराची एक बाजू पूर्णपणे जमीनदोस्त झाली. ही घटना शनिवारी रात्री घडली. त्यावेळी घरातील सर्व सदस्य बाजूच्या खोलीत असल्यामुळे अनर्थ टळला. मात्र, घराचा एक भाग कोसळल्यामुळे घर कमकुवत झाले असून, कोणत्याही क्षणी कोसळण्याची भीती व्‍यक्त केली जात आहे.
सदर घर मातीचे व जुने असल्याने पावसाच्या पाण्यामुळे भिंती फुगल्या आणि शनिवारी रात्री त्या कोसळल्या. मोरजकर कुटुंब गरीब असून, अशा स्थितीत घरात राहणे धोकादायक बनले आहे. एकूण सहाजण या घरात राहतात. त्यात वासू मोरजकर यांचे वडील आजारी आहेत.
घटनेची माहिती मिळताच स्थानिक पंच तथा उपसरपंच रुचिता माईणकर यांनी रात्रीच घटनास्थळी धाव घेऊन पाहणी केली. त्यानंतर आज रविवारी सकाळी सरपंच अमित शिरोडकर, उपसरपंच रुचिता माईणकर व तलाठी यांनी एकत्रितपणे पाहणी केली. घराचा उर्वरित भागही कोसळण्याची शक्यता असल्याने तेथे राहणे धोकादायक असल्याचे त्‍यांच्‍या निदर्शनास आले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.