Panaji: पणजीतील पुन्हा सापडला 'गांजा'! टपाल कार्यालयाजवळ आढळले रोप; Video

पणजी: पणजीतील टपाल कार्यालयाजवळील पदपथाजवळ गांजाचे रोप आढळले. राजधानीत आता गांजाची रोपे आढळणे ही नित्याचीच घटना झाली आहे. काही दिवसांपूर्वी पणजीत अबकारी खात्यासमोरील पदपथाच्‍या मध्‍यभागी सुशोभीकरणासाठी लावलेल्या झाडांमध्‍ये गांजाचे रोप आढळले होते. टपाल कार्यालयाच्या समोरील ‘कासा दी मोएदा’ इमारजवळील पदपथाला लागून गांजाचे रोप आढळले. पोलिस गांजाचे रोप जप्त करतात आणि ते एनसीबीकडे सुपूर्द करतात. त्‍यानुसार आजही पोलिसांनी आपले कर्तव्य पार पडले.

पर्यटक ज्या भागात फिरतात, त्या भागात हमखास गांजाची रोपे सापडली आहेत. गतवर्षी सांतिनेज परिसरात गांजाची रोपे आढळली होती. यावर्षी अबकारी खात्याच्या समोर आणि आता जुन्या टपाल कार्यालयाच्या परिसरात गांजाचे रोप आढळले. ‘बी’ मातीतून आले असावे किंवा पर्यटकांकडून, नशा करणाऱ्यांकडून टाकले गेले असावे असा अंदाज आहे.