बोरी: झुआरी नदीवरील बोरीच्या पुलाला बुधवार २७ रोजी ३९ वर्षे पूर्ण होत असून कमकुवत बनत चाललेल्या या पुलाला पर्यायी पूल उभारण्यासंबंधी अद्याप काही हालचाली नाही. या पुलाची कित्येकवेळी दुरस्ती करूनही पुलाची स्‍थिती केविलवाणी बनलेली आहे.
झुआरीनदीवरील जुना पोर्तुगीज कालीन पुल प्रथम गोवा मुक्तीच्या वेळी पोर्तुगीज पोलिसांनी निघतेवेळी बॉम्ब घालून उडवून दिला होता. त्या पुलावर भारतीय लष्कराच्या जवानांनी तरंगता पुल बांधून व्यवस्था करून दिली होती. त्यानंतर या पुलाच्या खांबावर रात्रीच्या वेळी कित्येक बार्जींनी धडक देऊन पुलाची कमान खिळखिळी करून टाकली होती. त्यानंतर सुमारे दोन कोटी रू. खर्चून नवा पुल बांधून २९ ऑगस्ट १९८६ रोजी लोकार्पण केला होता. तत्कालीन मुख्यमंत्री प्रतापसिंग राणे यांच्या हस्ते या पुलाचे उद्‍घाटन झाले होते.
या पुलाला ३९ वर्षे पूर्ण होत असून या पुलाची आता दैना अवस्था झाली आहे. मध्यंतरी सुमारे १० कोटी, त्यानंतर आणखी काही कोटी रुपये खर्चून या पुलाची दुरुस्ती केली आहे. या पुलावरून अवजड वाहनांची मोठ्या प्रमाणावर ये जा चालू असते. त्यामुळे पुलाला कोणत्‍याही वेळेला धोका पोचण्याची शक्यता आहे. शासनाने पर्यायी पुल बांधण्याची योजना आखली आहे, परंतु लोटली भागातील नागरिक आपल्या शेतातून पुल बांधण्यास विरोध करीत आहेत, त्यामुळे हे काम अडले आहे. या पुलाला लवकर चालना द्यावी, अशी नागरिकांची मागणी आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.