Bashudev Bhandari case: बाशुदेव भंडारी प्रकरण; एक वर्षानंतरही ‘तो’ कुठे आहे? गूढ कायम

साखळी: गेल्या वर्षी ऑगस्ट महिन्यात साखळी येथील व्यवस्थापनशास्त्र (मॅनेजमेंट) विद्यार्थी बाशुदेव भंडारी (वय २२) याचा सेंट इस्तेव्ह येथे भाड्याच्या गाडीसह पाण्यात पडून मृत्यू झाल्याचे मानले गेले होते. या घटनेला आता एक वर्ष पूर्ण झाले आहे, पण अजूनही त्याच्या बेपत्ता होण्याचे गूढ उकलले नाही. या घटनेतून त्याची मैत्रीण सुखरूप बाहेर पडली, पण बाशुदेव चा मात्र कोणताही थांगपत्ता लागला नाही. या घटनेला एक वर्ष झाले असले तरी अजूनही अनेक प्रश्न अनुत्तरित आहेत. बाशुदेव स्वतःहून गाडी पाण्यात घातली का? की हा एक अपघात होता? जर त्याचा बुडून मृत्यू झाला असता तर त्याचा मृतदेह आतापर्यंत का सापडला नाही? असे अनेक प्रश्न कायम असल्याने बाशुदेव भंडारी बेपत्ता झाल्याचे गूढ कायम आहे