Advalpal: अडवलपालमध्ये नळांद्वारे मातीमिश्रित पाणीपुरवठा, ‘फोमेंतो’च्या खनिज मातीमुळे समस्या? स्‍थानिकांचा दावा

डिचोली : खाणव्याप्त अडवलपालमधील लोकांवर सध्या मातीमिश्रित गढूळ पाणी पिण्‍याची नामुष्की ओढवली असून, घरगुती नळांद्वारे चक्क दूषित (मातीमिश्रित) पाण्याचा पुरवठा होत आहे. परिसरात कार्यरत ‘फोमेंतो’च्या खाणीवरील खनिज गाळ (रिजेक्शन) पाण्‍यात मिसळत असल्यामुळे ही समस्या निर्माण झाली असावी, असा दावा माजी सरपंच प्रेमानंद साळगावकर, आनंद गाड यांनी ‘गोमन्‍तक’शी बोलताना केला आहे.