Pathaan Box Office: काश्मीर खोऱ्यात 32 वर्षानंतर चित्रपटगृहाबाहेर हाऊसफुलची पाटी

Pathaan Box Office: पठाण चित्रपट २५ जानेवारीला प्रदर्शित झाला आहे. प्रदर्शित होण्याआधीपासूनच चित्रपट मोठ्या चर्चेत होता.आता शाहरुखच्या चाहत्यांनी पठाणला मोठा प्रतिसाद दिल्याचे दिसून येत आहे.

पठाण बॉक्सऑफीसवर मोठी कमाई करत असून पठाणची सगळीकडे चर्चा सुरु आहे. महत्वाची बाब म्हणजे पठाणने काश्मीर( Kashmir )च्या खोऱ्यातही आपली कमाल दाखवली आहे.

तब्बल 32 वर्षानंतर काश्मीर खोऱ्यातले चित्रपटगृह हाऊसफुल्ल झाल्याचे पाहायला मिळाले आहे. INOX च्या अधिकृत हँडलवरून ट्विट करून ही माहिती देण्यात आली आहे.

INOX Leisure Ltd ट्विटमध्ये म्हटले आहे की, “आज देशात पठाणमुळे 32 वर्षांनंतर काश्मीर खोऱ्यात हाऊसफुलचा बहुमोल चिन्ह परत आणल्याबद्दल आम्ही किंग खानचे आभारी आहोत. धन्यवाद शाहरुख खान.

दरम्यान, शाहरुख खान( Shahrukh Khan ) 4 वर्षानंतर पडद्यावर परतला आहे. चाहते किंग खानच्या चित्रपटाच्या प्रतिक्षेत होते. पहिल्याच दिवशी जगभरात एकूण 106 कोटींची कमाई केल्याचे निर्मात्यांनी सांगितले आहे.

यशराज फिल्म्स (YRF) च्या मते, चित्रपटाच्या ओपनिंग डेची कमाई देशांतर्गत 55 कोटी रुपये होती,जी त्यांच्या मते हिंदी चित्रपटासाठी सर्वात जास्त ओपनिंग डे कलेक्शन आहे.