Goa Live News: सांताक्रूझ अपघातानंतर वीज विभागाची कारवाई; EE काशीनाथ शेट्ये यांच्या नेतृत्वाखाली मोहीम

सांताक्रूझ येथे झालेल्या अपघाताच्या पार्श्वभूमीवर वीज विभागाने पुन्हा एकदा बेकायदेशीर केबल्स हटवण्यास सुरुवात केली आहे. कार्यकारी अभियंता (EE) काशीनाथ शेट्ये यांच्या नेतृत्वाखालील अधिकाऱ्यांनी वीज खांबांवर लटकलेल्या या केबल्स काढून टाकण्याची मोहीम हाती घेतली आहे. ही कारवाई अपघात टाळण्यासाठी आणि वीज सुरक्षा सुनिश्चित करण्यासाठी आवश्यक आहे.

काणकोण येथे आज एक भीषण अपघात झाला. कर्नाटक नोंदणीकृत वाहन वास्कोहून कर्नाटकाच्या दिशेने जात असताना, समोरून येणाऱ्या एका दुचाकीला जोरदार धडक दिली. ही धडक इतकी जबरदस्त होती की, दुचाकीस्वार रस्त्याबाहेर फेकला गेला. या घटनेमुळे मार्गावर काही काळ वाहतूक विस्कळीत झाली होती.