Goa Live News: जेसीबी घरांना स्पर्श करेल तर मी थांबवेन!'

प्रियोळचे आमदार गोविंद गावडे यांनी भोम येथे प्रस्तावित असलेल्या रस्त्याच्या रुंदीकरण प्रकल्पाविरोधात कठोर भूमिका घेत आक्रमकता दाखवली आहे. त्यांनी स्पष्ट केले की, जर हे रुंदीकरण पुढे गेले, तर विरोध करणारा पहिला माणूस मी असेल.

हडफडे नाईट क्लब आग दुर्घटनेतील प्रमुख आरोपी असलेल्या लुट्रा बंधूंना थायलंडमधून हद्दपार करण्याची प्रक्रिया अंतिम टप्प्यात आली आहे. थायलंड पोलिसांनी केलेल्या कारवाईमुळे आता हे दोन्ही आरोपी येत्या २४ ते ४८ तासांत भारतात परत येण्याची आणि गोवा पोलिसांच्या ताब्यात जाण्याची शक्यता आहे. यानंतर या प्रकरणाच्या तपासाला गती मिळणार आहे.

गोवा उच्च न्यायालय बार असोसिएशनने आयोजित केलेल्या गोवा ॲडव्होकेट्स फुट्सल टूर्नामेंटमध्ये ॲड. योगेश नाडकर्णी आणि ॲड. दत्ताप्रसाद लावण्डे यांच्या मालकीच्या '१८ ज्युनिअर्स' संघाने नेत्रदीपक विजय मिळवला आहे. डॉन बॉस्को येथे झालेल्या या स्पर्धेला मुंबई उच्च न्यायालयाचे न्यायमूर्ती अश्विन भोबे हे प्रमुख पाहुणे म्हणून उपस्थित होते.

गोवा किनारपट्टीजवळ मासेमारी करत असलेल्या एका जहाजावरील व्यक्तीला अचानक गंभीर हृदयविकाराचा झटका आला. ही माहिती मिळताच, तटरक्षक दलाने तातडीने बचाव मोहीम राबवली.

बागा-हडफडे येथील बुलेट शोरूमजवळ, कर्मा मॉन्टेरो हॉटेलजवळ आज, रविवारी सकाळी ११ वाजून ०४ मिनिटांनी दोन मोठ्या डिझेल जनरेटरला भीषण आग लागल्याची घटना घडली. हे जनरेटर जवळच्या हॉटेल आस्थापनांसाठी वीजपुरवठा करण्यासाठी वापरले जात होते.

आम आदमी पक्षाने हणजूण येथे आगामी जिल्हा परिषद निवडणुकीच्या पार्श्वभूमीवर आपले जनसंपर्काचे प्रयत्न तीव्र केले आहेत. 'आप'चे राष्ट्रीय संयोजक अरविंद केजरीवाल यांनी हणजूण येथे उमेदवाराच्या समर्थनार्थ मोठ्या प्रमाणात दारोदारी प्रचार मोहीम हाती घेतली आहे.

धारगळ जिल्हा पंचायत मतदार संघातील अपक्ष उमेदवार ज्ञानेश्वर शिवाजी यांचा प्रचार.देवेंद्र प्रभुदेसाई,पंच सुनीता देसाई यांची उपस्थिती.