Goa Today's News Live: साळगाव खून प्रकरण; संशयितांना लवकरच अटक केली जाईल, मुख्यमंत्र्यांचे आश्वासन

साळगाव खून प्रकरणातील संशयितांना लवकरच अटक करण्यात येईल, असे आश्वासन राज्याचे मुख्यमंत्री तथा गृहमंत्री प्रमोद सावंत यांनी दिले आहे. उमाकांत खोत प्रकरणात संशयितांना अटक केली असून, तपास सुरु असल्याची माहिती देखील त्यांनी दिली.

कचरा कामगार वेतन घोटाळ्याप्रकरणी सांताक्रूझ ग्रामपंचायतीचा सरकारी सेवक आणि पंच सदस्याविरुद्ध लाचलुचपत प्रतिबंधक शाखेने एफआयआर दाखल केला आहे. भ्रष्टाचार प्रतिबंधक कायद्याच्या कलम ७, ७अ आणि ११ आणि बीएनएस कायद्याच्या कलम ३१४, ३१६(५), ३१८, ३१९ आणि ६१ अंतर्गत हा गुन्हा दाखल करण्यात आला आहे.

सांताक्रूझच्या सर्व करदात्यांचा हा विजय आहे, असे तक्रारदार इनासियो डोमनिक परेरा म्हणाले.