Goa Live News: आमदार राजेश फळदेसाई यांनी बजावला मतदानाचा हक्क

कुंभारजुवेचे आमदार राजेश फळदेसाई यांनी आज आपल्या कुटुंबासह जिल्हा पंचायत निवडणुकीत मतदानाचा हक्क बजावला. खोर्ली जिल्हा पंचायत मतदारसंघातील मतदान केंद्रावर उपस्थित राहून त्यांनी लोकशाहीच्या या उत्सवात सहभाग नोंदवला.

जिल्हा पंचायत निवडणुकीच्या उत्सवात मुख्यमंत्री डॉ. प्रमोद सावंत यांनी आज कोठंबी येथील मतदान केंद्रावर सहकुटुंब उपस्थित राहून आपला मतदानाचा हक्क बजावला. त्यांच्यासोबत पत्नी सुलक्षणा सावंत आणि कन्या पार्थिवी सावंत होत्या. विशेष म्हणजे, पार्थिवी यांनी आज पहिले मतदान करून लोकशाहीच्या प्रक्रियेत सहभाग नोंदवला.