Goa Live News: पर्वरीतील चेन स्नॅचिंगचा गुन्हा उघड

पर्वरी येथील पीडीए कॉलनी परिसरात डिसेंबर महिन्यात झालेल्या साखळी चोरीचा छडा लावण्यात सळगाव पोलिसांना यश आले आहे. याप्रकरणी पोलिसांनी अब्दुल रहमान (३२ वर्षे, रा. उत्तराखंड) याला अटक केली आहे.

गोव्याच्या राजकारणात आगामी विधानसभा अधिवेशन अत्यंत वादळी ठरण्याचे संकेत मिळत आहेत. विरोधी पक्षनेते युरी आलेमाव यांनी भाजप सरकारला घेरण्यासाठी कंबर कसली असून, ३ जानेवारी रोजी सर्व विरोधी आमदारांची संयुक्त बैठक बोलावली आहे.

"एकेकाळी गुन्हेगारी आणि बदनाम वस्ती म्हणून ओळखल्या जाणाऱ्या बायणा समुद्रकिनाऱ्याचे आता गोव्यातील एका प्रमुख पर्यटन स्थळात रूपांतर झाले आहे," असे प्रतिपादन मुरगावचे आमदार संकल्प आमोणकर यांनी केले आहे. बैणा किनारा आता 'रेडलाईट' वरून 'लाईमलाईट'मध्ये आला असून, तो वॉटर स्पोर्ट्ससाठी पर्यटकांची पहिली पसंती ठरत आहे.

फोंडा तालुक्यातील वाडी-तळावली येथे शुक्रवारी संध्याकाळी एका भरधाव कारने रस्त्यावरून चालणाऱ्या ३० वर्षीय तरुणीला जोराची धडक दिली. या अपघातात तरुणी गंभीर जखमी झाली असून तिला तातडीने उपचारासाठी रुग्णालयात दाखल करण्यात आले आहे.

या नवीन वर्षाच्या सुरुवातीलाच कळंगुटचे आमदार मायकल लोबो यांनी राज्यातील एका ज्वलंत प्रश्नाकडे सरकारचे लक्ष वेधले आहे. "या वर्षात सर्वात आधी सोडवण्याचा महत्त्वाचा प्रश्न म्हणजे 'गोवामाइल्स' (GoaMiles) आणि स्थानिक टॅक्सी चालक यांच्यातील सुरू असलेला संघर्ष," असे विधान लोबो यांनी केले आहे.

करंझाळे  किनाऱ्यावरील मासे खाणाऱ्यांसाठी एक धोक्याची घंटा आहे. गोवा विद्यापीठाने केलेल्या एका ताज्या संशोधनात या भागातील माशांमध्ये 'हेवी मेटल्स'चे (जड धातू) प्रमाण प्रमाणापेक्षा जास्त असल्याचे आढळले आहे.