IPL2023: विराट अन् रोहित येणार आमनेसामने

IPL2023: आयपीएलच्या सामन्यांना सुरुवात झाली असून प्रत्येक संघ आपला बेस्ट देण्याचा प्रयत्न करत असतो. चाहते आपल्या आवडत्या संघाची मॅच बघण्यासाठी उत्सुक असल्याचे दिसून येत आहे. आता चाहत्यांसाठी एक आनंदाची बातमी आहे. उद्या दोन मॅच होणार आहेत.

पहिला सामना सनरायझर्स हैद्राबाद आणि राजस्थान रॉयल्स यांच्यात होणार असून हा सामना हैद्राबादच्या घरच्या मैदानावर होणार आहे.

सनरायझर्स हैद्राबादचा कॅप्टन एडन मारकर्म ऐवजी भुवनेश्वर कुमार आजच्या सामन्याचे कर्णधारपद सांभाळताना दिसणार आहे. तर दुसरा सामना रॉयल चॅलेंजर्स बेंगलुरु आणि मुंबई इंडियन्स यांच्यात होणार आहे. या सामन्यावर अनेकांचे लक्ष असणार आहे कारण विराट आणि रोहित या संघाचे कर्णधार म्हणून एकमेकांसमोर उभे असणार आहेत.

याशिवाय गेल्या सात आठ वर्षापासून मुंबई इंडियन्सनं पहिली मॅच हारण्याचा पायंडा पाडला आहे. या सामन्याची आणखी एक विशेष बाब म्हणजे 3 वर्षानंतर बेंगलुरुचा संघ घरच्या मैदानावर खेळणार आहे. त्यामुळे मुंबई इंडियन्स बेंगलुरुला घरच्या मैदानावर हरवणार की पहिला सामना हरण्याचा आपला पायंडा कायम ठेवणार हे पाहण हे पाहणं उत्सुकतेचं ठरणार आहे.

दरम्यान, या स्पर्धेत शनिवारी कोलकाता नाईट रायडर्स त्यांचा पहिला सामना पंजाब किंग्सविरुद्ध खेळला. पण याचदरम्यान केकेआरमधील दोन खेळाडू पुढील काही सामन्यात खेळणार नसल्याची बातमी समोर आली आहे.

शाकिब अल हसन आणि लिटन दास सध्या हे दोन्ही खेळाडू बांगलादेशमध्येच आहेत. सध्या आयर्लंडचा संघ बांगलादेश दौऱ्यावर आहे. या कसोटी सामन्यासाठी शाकिब आणि लिटन या दोघांचाही बांगलादेश संघात समावेश आहे. हा कसोटी सामना झाल्यानंतर हे दोघेही संघात परतणार असल्याचे सांगितले जात आहे.