Ravi Shastri on Dhoni and Hardik: 'धोनी गुरू आहे, तर हार्दिक शिष्य...', IPL Final पूर्वी रवी शास्त्रींचे मोठे भाष्य

Ravi Shastri on MS Dhoni and Hardik Pandya: इंडियन प्रीमियर लीग 2023 स्पर्धेचा अंतिम सामना चेन्नई सुपर किंग्स विरुद्ध गुजरात टायटन्स संघात पार पडला. अहमदाबादमधील नरेंद्र मोदी स्टेडियमवर झालेल्या या सामन्यापूर्वी माजी प्रशिक्षक आणि सध्याचे समालोचक रवी शास्त्री यांनी एमएस धोनी आणि हार्दिक पंड्या यांच्याबद्दल मोठी प्रतिक्रिया दिली आहे.

शास्त्री यांनी धोनीला गुरू म्हटले आहे आणि हार्दिकला शिष्य म्हटले आहे. दरम्यान, या दोघांनीही त्यांच्या नेतृत्वाने सर्वांना प्रभावित केले आहे. धोनी चेन्नई सुपर किंग्सचा कर्णधार आहे आणि हार्दिक गुजरात टायटन्सचा कर्णधार आहे. या दोघांनीही आपल्या संघांना अंतिम सामन्यात पोहचवले आहे.

त्या दोघांबद्दल स्टार स्पोर्ट्सशी बोलताना शास्त्री यांनी म्हटले आहे की 'त्यांचे स्वभाव वेगळे आहेत. एमएस धोनीकडे सातत्य आहे. तो ज्याप्रकारे नेतृत्व करतो, ज्याप्रकारे मैदानात शांत राहातो. असे वाटते की मैदानात नाहीये.'

'पण त्याचवेळी हार्दिक थोडा भडक आहे. त्यामुळे त्याने धोनीकडून जे काही शिकले आहे, ते त्याचा शांतपणा, जो त्याने नेतृत्व करताना मैदानात घेऊन आला.तो ज्याप्रकारे त्याच्या संघाला सांभाळले आहे. त्या दोघांमध्ये खुप समानता आहेत, ज्याप्रकारे ते दोघे त्यांच्या संघातील खेळाडूंनी संवाद साधतात. ते दोघेही हुशार आहे. हो नक्कीच धोनी गुरू आहे आणि हार्दिक शिष्य आहे.'

चेन्नईला पाचवे, तर गुजरातला दुसऱ्या विजेतेपदाची आस

दरम्यान, या अंतिम सामन्यात जर चेन्नई सुपर किंग्सने विजय मिळवला, तर हे त्यांचे आयपीएलमधील पाचवे विजेतेपद असेल. तसेच गुजरातने सामना जिंकला, तर त्यांचे हे सलग दुसरे आयपीएल विजेतेपद असेल.

चेन्नईने यापूर्वी 2010, 2011, 2018 आणि 2021 या वर्षी आयपीएल विजेतेपद जिंकले आहे. तसेच गुजरातने गेल्यावर्षी पहिल्यांचा आयपीएलमध्ये खेळताना विजेतेपदाला गवसणी घातली होती.