Emerging Asia Cup 2023: एमर्जिंग आशिया चषक 2023 स्पर्धेचे विजेतेपद पाकिस्तान अ संघाने जिंकले. पाकिस्तानने भारत अ संघाला अंतिम सामन्यात पराभूत केले. पाकिस्तान अ संघाने यश धूलच्या नेतृत्वाखालील भारतीय संघाला अंतिम सामन्यात 128 धावांनी पराभूत केले.
दरम्यान, या सामन्यानंतर क्रिकेट विश्वात चर्चा सुरू झाली की पाकिस्तान अ संघाने आंतरराष्ट्रीय क्रिकेट खेळलेल्या खेळाडूंना संघात खेळवले होते. पाकिस्तान अ संघाचा कर्णधार मोहम्मद हॅरीस होता. त्याने पाकिस्तानच्या वरिष्ठ राष्ट्रीय संघाकडून 14 सामने खेळले आहेत.
पण, या स्पर्धेत केवळ पाकिस्तानच नाही, तर भारताचा अपवाद वगळता सर्व सहभागी संघांनी आंतरराष्ट्रीय क्रिकेट खेळलेल्या काही खेळाडूंचा समावेश आपापल्या संघात केला होता. खरंतर ही स्पर्धा उदयोन्मुख खेळाडूंसाठी आयोजित केली जाते. पण संघांनी आंतरराष्ट्रीय क्रिकेटचा अनुभव असेलल्या खेळाडूंचा समावेश केल्याने टीका होत आहे.
केवळ या स्पर्धेत भारत असा एकमेव संघ होता, ज्या संघात वरिष्ठ स्तरावरील आंतरराष्ट्रीय क्रिकेटचा अनुभव नसलेले खेळाडू होते.
या स्पर्धेत भारतासह ओमान, नेपाळ, बांगलादेश, श्रीलंका, अफगाणिस्तान, पाकिस्तान, संयुक्त अरब अमिराती या देशांचे अ संघ सहभागी झाले होते. यातील ओमान संघात असलेल्या खेळाडूंकडे मिळून एकूण 448 आंतरराष्ट्रीय सामन्यांचा अनुभव होता. तर नेपाळकडे 444 आंतरराष्ट्रीय सामन्यांचा अनुभव असणारे खेळाडू होते.
याशिवाय आयसीसीचे पूर्ण सदस्यत्व असेलेल्या बांगलादेश अ संघात एकूण 253 आंतरराष्ट्रीय सामन्यांचा अनुभव असलेले खेळाडू आणि श्रीलंका संघातही 208 आंतरराष्ट्रीय सामन्यांचा अनुभव असेलेल खेळाडू होते. याशिवाय पाकिस्तान संघात जे खेळाडू होते, त्यांच्याकडे 85 आंतरराष्ट्रीय सामन्यांचा अनुभव होता.
एमर्जिंग आशिया चषकात सहभागी संघातील खेळाडूंचा एकूण आंतरराष्ट्रीय सामन्यांचा अनुभव
448 सामने - ओमान अ
444 सामने - नेपाळ
253 सामने - बांगलादेश अ
208 सामने - श्रीलंका अ
153 सामने - अफगाणिस्तान अ
85 सामने - पाकिस्तान ए
49 सामने - संयुक्त अरब अमिराती अ
0 सामने - भारत अ
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.