Ganjem: होळीची पिकनिक ठरली अखेरची; म्हादईत बुडून कर्नाटकच्या दोघांचा मृत्यू

रंग खेळून झाल्यावर दोन तरुणांचा गांजे येथील म्हादई नदीत बुडाल्याची दुःखद घटना घडलेली आहे. दोघांचे मृतदेह शवचिकित्सेसाठी मडगांव हॉसपिसियोत पाठवले आहेत.

होळी उत्सवानंतर रोजी दोघे तरुण गांजे म्हादई नदीत बुडाल्याची घटना घडली. मृत झालेल्या तरुणाची नावे प्रकाश हडपद (वय २०) आणि शरणप्पा हडपद (वय २०) आहेत. हे दोघे कर्नाटकमधून असून सध्या फोंड्यात (Ponda) खांडेपार येथे राहात होते.

घटनेची माहिती मिळताच पोलिसांनी (Police) घटनास्थळी धाव घेतली आणि दोघांचे मृतदेह नदीतून बाहेर काढले. मृतदेह शवचिकित्सेसाठी मडगांव हॉसपिसियोत पाठविण्यात आले आहेत. पोलिस निरीक्षक विजयनाथ कवळेकर यांच्या मार्गदर्शनाखाली उपनिरीक्षक योगेश गांवकर तपास करत आहेत.