मासिक पाळीमधील वेदना कमी होण्यासाठी तुम्ही कॉफीचे करता सेवन?

प्रत्येक महिलेला मासिक पाळीमध्ये होणाऱ्या वेदनाना सामोरे जावे लागते. यामध्ये पोट दुखी, डोके दुखी, मूड स्विंग होणे यासारखी अनेक समस्यांना सामोरे जावे लागते. मासिक पाळी दरम्यान कोमट पाण्याचे सेवन करणे फायदेशीर असते. पण अनेक महिला (Women) या काळात कॉफी (Coffee) पितात. असे करणे आरोग्यासाठी (Health) धोकादायक ठरू शकते. महिलांनी मासिक पाळी (Menstruation) दरम्यान कॉफीचे सेवन टाळावे.

* एक दिवसांत किती कप कॉफी पिणे योग्य?

काही लोकांना दर तासाला कॉफीचे (Coffee) सेवन करतात, त्यामुळे तुम्ही जर दिवसातून 4 कपपेक्षा कॉफी पित असला तर ते टाळले पाहिजे. दिवसातून एक किंवा दोन कप कॉफी पिणे पुरेसे आहे. कॉफीचे अधिक सेवन मासिक पाळीत समस्या वाढवू शकतात.

* मासिक पाळी दरम्यान कॉफी प्यायल्यास काय होते

कॉफीमध्ये कॅफिनचे प्रमाण अधिक असते. मासिक पाळीमध्ये कॉफी प्यायल्याने डिहायड्रेशन होऊ शकते. यामुळे डोकेदुखीचा त्रास सुरू होऊ शकते. याशिवाय कॉफी हार्मोन्सची समस्याही वाढवते. हे रक्तवाहिन्या संकुचित करते, चिंता वाढवते आणि कॉर्टिसॉल देखील वाढवते, ज्यामुळे या काळात अधिक समस्या वाढतात. त्यामुळे मासिक पाळी दरम्यान कॉफीचे सेवन कमी करावे. यासोबतच मासिक पाळी दरम्यान एनर्जी लेव्हल कमी होऊन तुम्हाला जास्त थकवा जाणवतो. अशा स्थितीत जास्त प्रमाणात कॉफी प्यायल्याने तुम्हाला झोपेचा त्रास होऊ लागतो.

* मासिक पाळीच्या वेदना कमी होण्यासाठी काय करावे

1) गरम पाण्याची बाटली किंवा हीटिंग पॅडच्या मदतीने पोट शेकावे.

२) मासिक पाळीदरम्यान पालक, बदाम, दही आणि पीनट बटर यासारख्या गोष्टी खाव्यात.

३) मासिक पाळी दरम्यान किंवा नंतर पपई खावे .

4) ग्रीन टी प्यायल्याने देखील वेदना कमी होतात.

5) मासिक पाळीच्या वेदना कमी होण्यासाठी तुम्ही योगा करू शकता.