Pomegranate Peel Benefits: डाळिंबाच्या सालांचा 'असा' करा वापर,अनेक आजार होतील दूर

Pomegranate Peel Benefits: डाळिंब हे आरोग्यासाठी खूप चांगले आहे. शरीरातील रक्त वाढवण्यासाठी आणि शरीराला ताकद देण्यासाठी डाळिंब खाण्याचा सल्ला दिला जातो. 

डाळिंब सोलून त्याच्या बिया खाल्ल्यानंतर असे लोक त्याची साल फेकून देतात. पण डाळिंबाची साल अनेक कामांसाठी वापरू शकता. डाळिंबाच्या सालीमध्ये भरपूर प्रमाणात अँटिऑक्सिडेंट, अँटी-इंफ्लेमेटरी आणि अँटी-बॅक्टेरियल गुणधर्म असतात.  डाळिंबाच्या सालीचे माहीती नसलेले फायदे जाणून घेऊया.

• डाळिंबाच्या सालीचे फायदे कोणते

• चमकदार त्वचा

डाळिंबाची साल त्वचेवरील काळे डाग कमी करण्यासाठी वापरले जातात. यामध्ये असलेले अँटीऑक्सिडंट आणि पॉलीफेनॉल हे गुण त्वचेसाठी चांगले असतात. चेहऱ्यावरील सुरकुत्या कमी करण्यासाठी आणि दूर करण्यासाठी देखील हे उपयुक्त आहे.

• पचनक्रिया

डाळिंबाची साल पचनक्रिया सुरळिच ठेवण्यास मदत करते. डाळिंबाच्या सालीमध्ये अँटी-बॅक्टेरियल गुणधर्म असतात. हे पोट आणि पचनासाठी चांगले असतात. निरोगी पचन राखण्यासाठी तुम्ही याचा वापर करू शकता.

• कर्करोग

डाळिंबाच्या सालीमध्ये प्रजननविरोधी गुणधर्म असतात जे स्तन, तोंड आणि पोटाच्या कर्करोगाच्या पेशी कमी करतात. डाळिंबाची साल यकृताच्या कर्करोगावरही चांगली आहे. 

• दातांचे निरोगी आरोग्य

डाळिंबाची साल प्लेक तयार होण्यास प्रतिबंध करते. डाळिंबाच्या सालीचा अर्क वापरून तुम्ही दात आणि हिरड्यांशी संबंधित समस्यांपासून आराम मिळवू शकता. डाळिंबाच्या सालीचा वापर दातांचे आरोग्य निरोगी ठेवण्यासाठी करू शकता.

• घसादुखी

घसादुखीसाठी डाळिंबाची साल वापरू शकता. डाळिंबाच्या सालीमध्ये अँटी-बॅक्टेरियल गुणधर्म असतात. जसे की घसा खवखवणे, ठेचणे आणि वेदना यापासून आराम मिळतो.

• डाळिंबाची साल कशी वापरावी

सर्वात पहिले डाळिंबाची साल वापरण्यासाठी उन्हात चांगले वाळवावे. साधारण 2-3 दिवस सूर्यप्रकाशात लावल्यानंतर बारीक करावे. ही साल मिक्सरमध्ये चांगली बारीक करून पावडर बनवावी. तुम्ही ही पावडर हवा बंद डब्ब्यात ठेऊ शकता.