Healthy Tips: हिवाळ्यात मुलांना आजारांपासून कसे दूर ठेवावे?

Healthy Tips: हिवाळ्यातील थंडी कमी होत असताना पालकांनी मुलांना आजारांपासून दूर ठेवण्यासाठी सक्रियपणे कार्य केले पाहिजे. हिवाळ्याच्या हंगामात मुलांना सर्दी विषाणूंपासून सामान्य फ्लूपर्यंत अनेक आजारांचा सामना करावा लागतो. हिवाळ्यात आजारांपासून मुलाचे संरक्षण करण्यासाठी कोणती काळजी घ्यावी हे जाणून घेऊया.

लसीकरण

लहान मुलांना योग्यवेळेत लसीकरण करावे. यामुळे मुलांचे आरोग्य सुरक्षित राहते. लसीकरणामुळे मुलांची रोगप्रतिकारशक्ती वाढते.

पोषक आहार

मुलांना आजारांपासून दूर ठेवायचे असेल तर पोषक पदार्थांवर भर द्यावा.संतुलित आहार हा चांगल्या आरोग्याचा आदारस्तंभ आहे. यामुळे रोगप्रतिकारशक्ती वाढते. मुलांच्या आहारात फळं, भाज्या, पालेभाज्यांचा समावेश करावा. तुम्ही आहारतज्ज्ञांचा देखील सल्ला घेऊ शकता.

व्हिटॅमिन 'डी'

व्हिटॅमिन डी एक महत्वाचे व्हिटॅमिन आहे. परंतु केवळ हिवाळ्यात सूर्य आणि आहार पुरेशा प्रमाणात पुरवू शकत नाही. यामुळे मुलाच्‍या आहाराला व्हिटॅमिन डी सह पूरक करण्‍याचा विचार करावा.

स्वच्छता

इन्फ्लूएंझा व्हायरससह इतर व्हायरस पृष्ठभागावर 7 दिवसांपर्यंत जिंवत राहू शकतात. ज्यामुळे त्यांचा प्रसार रोखण्यासाठी हाताची स्वच्छता महत्त्वपूर्ण बनते. तुमच्या मुलाला त्यांच्या हातातून त्यांच्या चेहऱ्यावर व्हायरसचे संक्रमण होण्याचा धोका कमी करण्यासाठी हात आणि पाय स्वच्छ ठेवण्यास शिकवावे.

मास्कचा वापर

मुलांना घरा बाहेर जाताना मास्क घालावे. यामुळे सर्दी, खोकला यासारख्या संसर्गापासून त्यांचा बचाव होईल.

पुरेशी झोप

रोगप्रतिकारक शक्तीसाठी पुरेशी झोप घेणे गरजेचे आहे. तुमच्या मुलांचे झोपेचे वेळापत्रक तयार करावे. रात्री शांत झोप घ्यावी. झोपतांना मोबाईल वापरणे टाळावे.