आपल्यापैकी अनेकांना हा अनुभव आला असेल आपले काही जवळचे मित्र, जवळचे नातेवाईक, आपला जोडीदार अचानक बोलणे बंद करतात, आपल्या आयुष्यातून निघून जातात.
आपण मग त्यामागची कारणे शोधतो मात्र ती मिळत नाही. याला घोस्टिंग असे म्हटले जाते. आजच्या डेटिंगच्या जमान्यात घोस्टींग हा सामान्य प्रकार झाल्याचे म्हटले जात आहे. मात्र ज्या व्यक्तीला घोस्ट केले जाते त्याच्यावर याचा वाईट परिणाम होऊ शकतात.
मानसिक आरोग्यावर वाईट परिणाम होऊ शकते. आपल्याला नाकारल्याची भावना प्रबळ होऊ शकते. असे होऊ नये यासाठी घोस्टिंग म्हणजे काय, घोस्टिंग का केले जाते हे जाणून घेणे महत्वाचे ठरते.
घोस्टिंग करण्याची कारणे काय आहेत?
एखाद्याच्या आयुष्यातून समोरच्या व्यक्तीला कोणतीच कल्पना न देता निघून जाणे म्हणजे घोस्टिंग करणे होय. परंतु लोकांच्या अशा वागण्यापाठीमागे अनेक कारणे दडलेली असू शकतात.
1. तुमच्यासोबत यापुढे त्यांना राहणे शक्य नाही असे सांगितले तर तुम्ही दुखावले जाऊ शकता. तुम्ही दुखावले जाऊ नये यासाठी काहीजण कोणतीही कल्पना न देता तुमच्या आयुष्यातून निघून जाणे पसंत करतात.
2. तुमच्याशी वाद नको असतो त्यामुळे काहीही न सांगता बोलणे बंद करण्याचा पर्याय काहीजण निवडू शकतात
3. काही प्रकरणांमध्ये इतरांनी तुमच्याविषयी बोललेल्या गोष्टीमुळे तुमचा मित्र तुमच्यापासून दुरावण्याची शक्यता असते. मात्र तुम्हाला वाईट वाटू नये यासाठी तो त्याबद्दल तुम्हाला काहीही बोलत नाही मात्र तुमच्यापासून दूर जातो.
4. एखादी परिस्थिती त्यांना हाताळता येत नसेल तरीदेखील त्यावरचा पर्याय म्हणून तुमच्याबरोबरचा संपर्क तोडतात.
5. काही जणांना आपल्या आय़ुष्या( Life )त काय चालले आहे याची कल्पना नसते. त्यांच्या समस्या बोलून दाखवणे जमत नाही. अशा व्यक्तीदेखील न तुम्हाला कोणतीही कल्पना न देता तुमच्या आयुष्यातून निघून जाऊ शकतात.
तुम्हाला कोणीतरी 'घोस्ट' करत आहेत त्याची अशी असू शकतात लक्षणे:
1. ते तुमच्याशी कॉल, मेसेजवर बोलणे कमी करतील
2. भेटणे टाळतील
3. त्यांच्या आयुष्यातील महत्वाच्या घटना तुम्हाला सांगणे बंद करतील
4. तुम्हाला प्राथमिकता देणे टाळतील
5. तुम्हाला वेळ देणे कमी करतील
तुम्ही काय केले पाहिजे?
तुम्हाला कोणीतरी घोस्ट केले तर तुम्हाला वाईट वाटणे सहजशक्य आहे. तुम्ही स्वत:ची चूक शोधण्याचादेखील प्रयत्न करु शकता. अपराधीपणाची भावनादेखील तुमच्यामध्ये येऊ शकते. मात्र अशावेळी तुम्ही स्वत:ला दोष न देता कारणे समजून घेण्याचा प्रयत्न केला पाहिजे.
स्वत:ची काळजी घेतली पाहिजे. याबरोबरच, स्वत:च्या आयुष्यावर लक्ष केंद्रित करण्यावर भर दिला पाहिजे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.