करिअरमध्ये यशस्वी होण्यासाठी Communication Skills आवश्यक; 'या' 10 गोष्टी नेहमी लक्षात ठेवा

Communication Skill At Office: कामाच्या ठिकाणी सहकारी, वरिष्ठ आणि तुमच्या हाताखालील कर्मचारी यांच्याशी तुम्ही तोंडी आणि लिखित स्वरूपात जितका चांगला संवाद साधू शकाल, तितकेच तुम्ही तुमच्या कामात अधिक प्रभावी आणि यशस्वी व्हाल.

आम्ही तुम्हाला ऑफिस कम्युनिकेशनच्या अशा 10 गोष्टी सांगू ज्याद्वारे तुम्ही परिणामकारक संभाषण साधू शकाल आणि कामात प्रगती करू शकाल.

संवादाचे विविध मार्ग आहेत. वैयक्तिकरित्या, व्हिडिओद्वारे, फोनवर, मजकूराद्वारे, ईमेलद्वारे आणि सोशल मीडियाद्वारे तुम्ही कामासाठी संवाद साधता. यातून स्वतःची उत्तम संवाद साधण्याची क्षमता दाखवता येऊ शकते.

कामात इतरांपेक्षा पुढे जाण्यासाठी, पदोन्नतीसाठी संपूर्ण कारकिर्दीत व्यावसायिक संबंध सुरक्षित करण्यासाठी ही कौशल्ये उपयोगी ठरू शकतात.

1) अॅक्टिव्हली ऐकणे

ऐकणे हा एक मजबूत संवादक होण्याचा सर्वोत्तम मार्ग आहे. जेव्हा लोक तुम्हाला तुमचे काम करण्यात मदत करण्यासाठी दिशानिर्देश किंवा माहिती देतात, तेव्हा तुम्ही चांगले श्रोते नसाल तर त्याचे अनुसरण करणे कठीण आहे. जे लोक चांगले ऐकतात ते इतरांच्या बोलण्यात दडलेले अर्थ शोधू शकतात तसेच टोन आणि इतर संकेतदेखील समजू शकतात. कोणीतरी काय बोलत आहे आणि ते का बोलत आहे याचा संदर्भ समजू शकतात.

2) अशाब्दिक संवाद

अशाब्दिक संवादात डोळ्यांच्या संपर्कापासून आणि हाताचे जेश्चर, आवाजाचा टोन आणि डोके हलवणे, शरीर कसे धरून ठेवले आहे, याचा समावेश आहे. तुमच्या देहबोलीतून तुमचे मत कळू शकते. हा अशाब्दिक संवाद कुणाशी होत आहे, हे देखील महत्वाचे असते. ती व्यक्ती तुमची माहिती कशी घेते, त्याबद्दल त्या व्यक्तीला कसे वाटते, हे महत्वाचे ठरते. म्हणजे नजर न भिडवणारे अस्वस्थ असू शकतात. कपाळावर हात फिरवणारे ताणात असू शकतात.

3) सभ्यपणा

ऑफिसमध्ये संवादातील सभ्यपणा लाभदायी ठरू शकतो. त्यातून इतरांशी मैत्रीपूर्ण संबंध बनतात. इतर लोक तुमच्याशी खुले आणि प्रामाणिक संवाद साधू शकतात.

4) संवादातील स्पष्टता

सशक्त शाब्दिक संवादात शब्दांचा योग्य वापर करावा लागतो. त्यातून आपला संदेश स्पष्ट होतो. तुम्हाला कमी माहिती द्यायची आहे की जास्त हे महत्वाचे असते. ज्याच्याशी संवाद साधायचा आहे, तो तुमच्याशी संवादात एंगेज राहिला पाहिजे. त्यासाठी स्पष्टता महत्वाची असते. त्यामुळे एखाद्याशी बोलताना आधीच विचार करा. काही महत्वाच्या बाबी आधी लिहून काढा, त्याही फायदेशीर ठरतील.

5) सहानुभूती

सहानुभूतीमुळे एखाद्या व्यक्तीला कळते की तुम्हाला त्यांचा दृष्टिकोन समजला आहे. त्याचे कारण काय आहे. जरी तुम्ही त्याच्याशी सहमत नसाल तरीही तुम्ही काय बोलत आहात ते मला समजले आहे, ही भावना संवादात महत्वाची ठरते.

6) आत्मविश्वास

गर्विष्ठ न होता, उद्धट न होता तुम्हाला तुमच्या आत्मविश्वासाने संवाद साधणे लाभदायी ठरेल. दृढपणा तुमच्या व्यक्तिमत्वातील आत्मविश्वास दर्शवतो. आपण कशाबद्दल बोलत आहात आणि काम चांगले कसे करायचे, हे मला माहिती आहे, याचा आत्मविश्वास तुमच्या इतरांना जाणवला की तुमच्यावर विश्वास ठेवला जातो.

7) आदर

इतरांच्या मतांचा, विचारांचा आणि कल्पनांचा आदर करणे प्रॉडक्टिव्ह कामासाठी गरजेचे आहे. जेव्हा तुम्ही हा आदर ठेवता तेव्हा व्यक्ती तुमच्याशी संवाद साधण्याची अधिक शक्यता असते. आदरासाठी सक्रियपणे ऐकणे, स्पष्टतेसाठी पाठपुरावा करणे, प्रश्न विचारणे, आय काँटॅक्ट, व्यक्तींच्या नावांचा वापर, इंटरेस्ट दाखवणे या बाबी उपयोगी ठरतील. लिखित संवादात ईमेल किंवा मजकूर पाठवण्यापूर्वी पुन्हा वाचणे, एडिट करणे महत्त्वाचे आहे जेणेकरून गोंधळात टाकणारा आणि अनादर करणारा मेसेज जाऊ नये.

8) मोकळेपणा

खुल्या मनाने संवाद साधणारा व्यक्तीच चांगला संवादक बनू शकतो. मोकळेपणा संवादही काहीही न लपवता होऊ शकतो. काही मते पटतील, काहींशी असहमती असू शकेल, पण मोकळ्या संवादामुळे आदर राहील. त्यातून विविध दृष्टीकोन आणि शक्यता समजू शकतात.

9) विधायक टीका

अभिप्राय हे चांगल्या संवादासाठी आवश्यक आहे. व्यवस्थापक, पर्यवेक्षक आणि संघ प्रमुखांनी त्यांच्या टीममेट्ना नियमित, स्पष्ट, रचनात्मक अभिप्राय देणे आवश्यक आहे. याउलट, प्रत्येक कर्मचार्‍यासाठी, स्तराची पर्वा न करता, त्यांच्या समवयस्कांकडून, पर्यवेक्षकांकडून, ग्राहकांकडून आणि त्याच्या हाताखालील कर्मचाऱ्यांकडून अभिप्राय घेतले पाहिजेत. अभिप्राय प्रदान करण्यामध्ये स्तुतीसोबतच आणि सुधारणेची गरज यांचाही समावेश आहे.

10) संवादाच्या माध्यमाची समज

इतरांशी बोलताना संवादाचे कोणते माध्यम सर्वात योग्य आहे हे ठरवण्यासाठी विवेकबुद्धी वापरणे हा प्रभावी संवादाचा एक महत्त्वाचा घटक आहे. कठीण किंवा गंभीर संभाषणांसाठी त्याचा लाभ होऊ शकतो. काम सोडून जाताना किंवा टाळेबंदी, संप, पगारवाढीच्या वाटाघाटीवेळी याचा फायदा होऊ शकतो. वरिष्ठ नेतृत्व, सदस्याशी संवाद साधत असल्यास ईमेलची निवड करू शकता आणि आवश्यक असल्यास फोन कॉलसह फॉलो-अप करू शकता.